Амерыканцы малодшыя за 30 гадоў, якія яшчэ некалькі гадоў таму ставіліся да штучнага інтэлекту аптымістычней за іншыя ўзроставыя групы, цяпер сталі аднымі з галоўных скептыкаў. Галоўная прычына — страх, што развіццё тэхналогіі пакіне людзей без працы.
Амерыканцы малодшыя за 30 гадоў, якія яшчэ некалькі гадоў таму ставіліся да штучнага інтэлекту аптымістычней за іншыя ўзроставыя групы, цяпер сталі аднымі з галоўных скептыкаў. Галоўная прычына — страх, што развіццё тэхналогіі пакіне людзей без працы.
Большасць маладых амерыканцаў упершыню з пачатку назіранняў Pew Research Center заявілі, што развіццё ШІ выклікае ў іх хутчэй занепакоенасць, чым цікаўнасць, піша Bloomberg са спасылкай на свежае апытанне даследчага цэнтра.
Сярод амерыканцаў ва ўзросце ад 18 да 29 гадоў 55% цяпер кажуць, што ШІ іх больш непакоіць, чым радуе. У 2024 годзе такіх было 39%, а ў 2021-м — толькі 31%. Пры гэтым усяго 11% маладых рэспандэнтаў цяпер ставяцца да тэхналогіі хутчэй з натхненнем.
Асабліва хутка растуць асцярогі праз рынак працы. 73% амерыканцаў малодшых за 30 гадоў лічаць, што ў наступныя 20 гадоў ШІ прывядзе да скарачэння агульнай колькасці працоўных месцаў у краіне. У 2024 годзе такога меркавання прытрымліваліся 61%.
Такім чынам, стаўленне моладзі да ШІ практычна перавярнулася. Калі Pew пачаў задаваць гэтае пытанне ў 2021 годзе, менавіта маладыя амерыканцы былі адной з найбольш аптымістычных груп. Цяпер іх ацэнкі збліжыліся з настроямі старэйшых пакаленняў, а па некаторых паказчыках моладзь ставіцца да будучыні ШІ нават больш негатыўна.
Тэндэнцыя заўважная і сярод амерыканцаў у цэлым. Цяпер 52% дарослых жыхароў ЗША больш занепакоены распаўсюджваннем ШІ, чым натхнёныя ім, тады як у 2021 годзе такіх было 37%. Толькі 9% сёння кажуць, што адчуваюць больш аптымізму, чым трывогі. Акрамя таго, 71% амерыканцаў чакаюць скарачэння колькасці працоўных месцаў праз ШІ ў бліжэйшыя два дзесяцігоддзі.
Пры гэтым маладыя амерыканцы актыўна карыстаюцца самой тэхналогіяй. У іншым апытанні Pew, праведзеным у лютым 2026 года, 66% рэспандэнтаў ад 18 да 29 гадоў паведамілі, што выкарыстоўваюць чат-боты. Адначасова 48% прадстаўнікоў гэтай узроставай групы чакалі негатыўнага ўплыву ШІ на грамадства, а 37% — асабіста на сябе.
Релоцировались? Теперь вы можете комментировать без верификации аккаунта.