Лічыцца, што маладыя людзі часцей рызыкуюць сваімі інвестыцыйнымі партфелямі, бо маюць больш часу, каб перажыць валацільнасць рынку і выйсці на рост у доўгатэрміновай перспектыве. Але нядаўняе даследаванне анлайн-брокера eToro і кампаніі Opinium паказала, што ў 2025 годзе зумеры плануюць укладаць грошы ў больш надзейныя актывы, піша MarketWatch.
Лічыцца, што маладыя людзі часцей рызыкуюць сваімі інвестыцыйнымі партфелямі, бо маюць больш часу, каб перажыць валацільнасць рынку і выйсці на рост у доўгатэрміновай перспектыве. Але нядаўняе даследаванне анлайн-брокера eToro і кампаніі Opinium паказала, што ў 2025 годзе зумеры плануюць укладаць грошы ў больш надзейныя актывы, піша MarketWatch.
Апытанне праводзілася ў лістападзе мінулага года, у ім узялі ўдзел 10 тысяч інвестараў з 12 краін, у тым ліку тысяча — з ЗША. Адно з пытанняў тычылася інвестыцыйных планаў і размеркавання грошай па актывах на 2025 год. Высветлілася, што зумеры плануюць інвеставаць у наяўныя актывы, ашчадныя рахункі і высокадаходныя аблігацыі ў большай ступені, чым прадстаўнікі старэйшага пакалення.
«Кансерватызм самай маладой групы стаў для мяне найбольшай нечаканасцю. Звычайна моладзь схільная да рызыкі і паддаецца эмоцыям, калі рынкі растуць», — адзначыў аналітык eToro Брэт Кэнвэл.
Даследаванне праводзілася ў перыяд, калі фондавы рынак ЗША дэманстраваў рэкордны рост. Кэнвэл выказаў здагадку, што маладыя інвестары маглі вывесці частку грошай з акцый пасля двухгадовага «бычынага» рынку і зафіксаваць прыбытак, купіўшы актывы з фіксаваным прыбыткам або перайшоўшы ў наяўныя. Ён дадаў, што зумеры дасягнулі ўзросту, калі могуць пачаць адкладаць грошы на буйныя выдаткі, накшталт, аўтамабіля, нерухомасці, пераезду або вяселле.
Існуе яшчэ адно назіранне, якое можа растлумачыць гэтую з’яву. Падчас апытання рэспандэнтаў пыталіся, як доўга яны інвестуюць. У выпадку 52% зумераў гэты тэрмін склаў два гады або менш. Акрамя таго, паводле дадзеных eToro, зумеры часцей за іншых змяняюць сваю інвестыцыйную стратэгію ў залежнасці ад знешніх падзей, такіх як выбары або змены працэнтных ставак.
Старэйшае пакаленне больш кансерватыўнае ў пытаннях інвестыцый, таму іх планаваныя ўкладанні не выклікаюць здзіўлення. Міленіалы больш цікавяцца акцыямі з вялікім патэнцыялам росту і крыптавалютамі. Пакаленне Х больш раўнамерна размяркоўвае сродкі паміж усімі катэгорыямі актываў. Бумеры таксама імкнуцца да раўнамернага размеркавання, але менш цікавяцца крыптой. А зумеры аддаюць перавагу дывідэндавым акцыям.
Рэлацыраваліся? Цяпер вы можаце каментаваць без верыфікацыі акаўнта.
О боже мой. Такой громкий заголовок и абсолютно нулевое наполнение. Что там еще переизобрели зумеры?