10 самых запатрабаваных айцішных скілоў на Upwork
У сферы працы адбываецца сапраўдны «тэктанічны зрух», адзначаецца ў свежым дакладзе Upwork. На тле эканамічнай нявызначанасці працадаўцы ўсё больш цікавяцца паслугамі незалежных ІТ-спецыялістаў. З іншага боку, супрацоўнікі таксама задумваюцца, чаго хочуць ад сваёй кар’еры, і пераглядаюць прыярытэты на карысць гнуткасці і самастойнасці. Фрыланс-біржа назвала найпапулярнейшыя тэхналагічныя кірункі на 2023 год.
Топ-10 выглядае так:
- фулстэк-распрацоўка
- франтэнд-распрацоўка
- бэкэнд-распрацоўка
- распрацоўка мабільных праграм
- вэб-дызайн
- распрацоўка сайтаў для электроннага гандлю
- UX/UI-дызайн
- распрацоўка сістэм кіравання кантэнтам
- ручное тэсціраванне
- стварэнне скрыптоў і аўтаматызацыя
Upwork сцвярджае, што ў 2022 годзе фрылансам займалася каля 60 млн амерыканцаў, або 39% працоўнай сілы ЗША. Высокая запатрабаванасць фрылансераў дазваляе ім павышаць свае стаўкі: паводле нядаўняга апытання пляцоўкі, за папярэдні год так паступілі 43% рэспандэнтаў.
Паводле даных Федэральнага бюро статыстыкі працы пры Мінпрацы ЗША, узровень беспрацоўя ў ІТ-галіне краіны ў снежні знізіўся да 1,8%.
Читать на dev.by