5 самых папулярных спосабаў выкарыстання ШІ — апытанне

Аўтары апытання адзначаюць, што гэта прыкметны рост у параўнанні з другім кварталам 2024 года, калі рэгулярнае выкарыстанне ШІ фіксавалі толькі 12% апытаных, а эпізадычнае — 27%. Доля супрацоўнікаў, якія выкарыстоўваюць ШІ штодзённа, таксама павялічылася больш чым удвая — з 4% да 10% за той жа перыяд.

Gallup таксама высветліў, для якіх задач супрацоўнікі часцей за ўсё прымяняюць ШІ. На першым месцы — абагульненне і структураванне інфармацыі або дадзеных, такі варыянт абралі 42% карыстальнікаў. 41% выкарыстоўваюць ШІ для генерацыі ідэй, 36% — для навучання і засваення новых навыкаў, 34% — для аўтаматызацыі рутынных задач, а 20% — для выяўлення праблем і памылак.

Большасць работнікаў, якія прымяняюць ШІ, выкарыстоўваюць чат-боты кшталту ChatGPT або Claude: пра гэта паведамілі 61% рэспандэнтаў. Яшчэ 36% выкарыстоўваюць інструменты для напісання і рэдагавання тэкстаў, а 14% — асістэнтаў для праграмавання.

Пры гэтым рост выкарыстання ШІ суправаджаецца павышэннем занепакоенасці. Паводле нядаўняга апытання Harvard Youth Poll, 59% амерыканцаў ва ўзросце ад 18 да 29 гадоў лічаць, што ШІ ўяўляе пагрозу іх кар’ерным перспектывам, нават нягледзячы на тое, што большасць з іх давярае тэхналогіі пры выкананні вучэбных і працоўных задач.