5 рэчаў, якія распрацоўшчыкам не падабаюцца ў сумоўях
HackerRank апытаў распрацоўшчыкаў і склаў спіс змен, якія рэспандэнты хацелі б бачыць у працэсе тэхнічных інтэрв’ю. Усяго даследчыкі прапанавалі аўдыторыі 10 пытанняў і сабралі больш за 81 тысячу адказаў. Апытанні ладзіліся ў LinkedIn пры канцы 2022 года.
Як высветлілася, 75% распрацоўшчыкаў незадаволеныя тым, у якой форме праводзяцца тэхнічныя сумоўі цяпер.
У іншым апытанні 34% рэспандэнтаў сказалі, што на іх рашэнне прымаць офер або не ўплывала якасць пытанняў. Яшчэ для 26% вырашальным фактарам стала ўражанне ад працэсу.
У выніку апытанняў даследчыкі вылучылі пяць спосабаў палепшыць тэхнічныя сумоўі.
1. Зрабіць карацейшымі
92% распрацоўшчыкаў лічаць, што тэхнічныя сумоўі мусяць доўжыцца не больш за гадзіну: з іх палова прагаласавала за 30 хвілін, палова — за 1 гадзіну.
2. Пытанні маюць быць па сутнасці…
65% распрацоўшчыкаў хацелі б, каб пытанні не былі адарваныя ад жыцця.
3. …і адпавядаць пасадзе
54% распрацоўшчыкаў назвалі самай непрыемнай часткай сумоўя занадта высокую складанасць пытанняў. На пытанне наконт працягласці падрыхтоўкі да інтэрв’ю 41% адказаў, што марнуе некалькі тыдняў, яшчэ 22% дастаткова некалькіх дзён.
4. Тлумачыць, як будзе праходзіць працэс
40% распрацоўшчыкаў кажуць, што першае, на што яны звяртаюць увагу ў працэсе сумоўя, гэта тое, як працадаўца загадзя даносіць інфармацыю пра яго.
5. Выкарыстоўваць сучасныя тэхналогіі
Даследчыкі адзначаюць, што інструменты, якія выкарыстоўваюцца пры правядзенні гутарак, маюць дэманстраваць высокі ўзровень інавацыйнасці кампаніі. Напрыклад, можна выкарыстоўваць IDE для сумеснага анлайн-праграмавання замест дэманстрацыі экрана або тэкставых рэдактараў.
Читать на dev.by