Adobe абнавіла ўмовы карыстання сваім софтам і справакавала магутную хвалю абурэння сярод карыстальнікаў: кампанія афіцыйна дазволіла сабе праглядаць кантэнт, які яны ствараюць і захоўваюць у воблаку. Калі ўмоў не прыняць, то і юзаць яе прадукты будзе няможна.
Adobe абнавіла ўмовы карыстання сваім софтам і справакавала магутную хвалю абурэння сярод карыстальнікаў: кампанія афіцыйна дазволіла сабе праглядаць кантэнт, які яны ствараюць і захоўваюць у воблаку. Калі ўмоў не прыняць, то і юзаць яе прадукты будзе няможна.
Адзін з карыстальнікаў Х абурыўся, што цяпер, па сутнасці, не можа працаваць з Photoshop, калі не пагодзіцца даць Adobe поўны доступ да ўсіх сваіх прац, уключаючы тое, што пакрываецца пагадненнямі пра неразгалашэнне.
So am I reading this, right? @Adobe @Photoshop
— Sam Santala (@SamSantala) June 5, 2024
I can’t use Photoshop unless I’m okay with you having full access to anything I create with it, INCLUDING NDA work? pic.twitter.com/ZYbnFCMlkE
Апошні раз кампанія абнаўляла ўмовы карыстання 17 лютага. Змены адбыліся ў пунктах 2.2 і 4.1, у якіх тлумачыцца, як Adobe вызначае карыстальніцкі кантэнт, а таксама як праглядае і апрацоўвае яго.
Згодна з імі, Adobe можа атрымліваць да яго доступ у аўтаматычным або ручным рэжыме ў адпаведнасці з законам, у тым ліку прымяняць тэхналогіі машыннага навучання для ўдасканалення сваіх прадуктаў і паслуг.
Гэта выклікала незадаволенасць мноства карыстальнікаў: кампанія хоча бязмежныя правы на выкарыстанне чужой працы на сваё меркаванне. Некаторыя ўжо прыгразілі сысці да канкурэнтаў Adobe або на оўпэнсорсныя прадукты.
Пры гэтым уладальнікі асабістых акаўнтаў Creative і Document Cloud могуць адключыць аналіз свайго кантэнту — прынамсі ў мэтах паляпшэння прадуктаў вендара. Прадстаўнік Adobe між тым запэўніў, што кампанія не бярэ карыстальніцкага кантэнту для навучання сваіх генератыўных мадэляў — калі яны не захочуць даць яго за грошы.
Рэлацыраваліся? Цяпер вы можаце каментаваць без верыфікацыі акаўнта.