Adobe паказала АІ-сэрвіс, які стварае музыку па тэкставым запыце

У распрацоўцы інструмента ўдзельнічалі даследчыкі з Універсітэта Каліфорніі і Карнегі — Мелана. Пакуль платформа знаходзіцца на стадыі даследавання і не мае карыстальніцкага інтэрфейсу. Паводле слоў кіраўніка праекта Гаўтама Майсара, інструмент дазволіць нават тым, хто не з’яўляецца кампазітарам, увасобіць свае ідэі ў жыццё. Сэрвіс дасць карыстальнікам інструменты для рэгулявання тэмпу, інтэнсіўнасці, паўтарэння патэрнаў і структуры музычных трэкаў.

Перад кампаніяй востра стаіць этычная праблема выкарыстання музычных твораў і аўтарскіх правоў на іх. Adobe распрацоўвае свае механізмы на аснове ліцэнзаваных або змешчаных у грамадскім здабытку даных, каб пазбегнуць парушэння правоў інтэлектуальнай уласнасці. Напрыклад, каманда працуе над тэхналогіяй вадзяных знакаў, якая дазволіць ідэнтыфікаваць генератыўную музыку.