Айцішнікаў пералічылі: іх яшчэ менш, але «багатых» — больш
Белстат палічыў багатых (10К+ рублёў) айцішнікаў у Беларусі. Выявілася, за год іх стала больш амаль на траціну.
Пры гэтым айцішнікаў як такіх усё менш.
Важна — гэтая статыстыка не ахоплівае ўсёй галіны.
Вось чаму
Звесткі пра колькасць работнікаў розных відаў дзейнасці паводле ўзроўню заробкаў Белстат публікуе два разы на год — за май і лістапад.
Каго ўлічваюць: спецыялістаў, якія працавалі па працоўнай дамове (кантракце) у буйных і сярэдніх кампаніях і якія выконвалі пастаянную або часовую працу.
Каго не ўлічваюць: спецыялістаў, якія былі на бальнічным, у адпачынках без захавання зарплаты, а таксама ў адпачынках па цяжарнасці і родах і доглядзе дзіцяці да 3 гадоў.
Даныя па зарплаце паказваюцца да выплаты падаткаў і сацыяльных узносаў, пры гэтым улічваюцца стымулюючыя і кампенсавальныя выплаты.
Мінус 8 тысяч чалавек за год (зноў)
Белстат больш за год не публікуе колькасць айцішнікаў у Беларусі. Але агульная статыстыка сектара «інфармацыя і сувязь» паказвае, што спецыялістаў становіцца менш.
Калі ў лістападзе 2022 года Белстат налічыў 65+ тысяч занятых у ІТ і сувязі, то праз год — ужо 57+ тысяч.
Гэта мінімум за апошнія тры гады.
Дарэчы, страты ад лістапада 2021 да лістапада 2022 супастаўныя: таксама 8 тысяч чалавек.
Паводле ацэнак devby, калі палічыць менавіта айцішнікаў, без спецыялістаў сувязі, то за год ІТ-сектар страціў каля 6 тысяч чалавек.
Айцішнікаў з зп да 3000 (джуноў?) рэзка паменела
Паводле афіцыйных даных, спецыялістаў з заробкам да 1000 рублёў у ІТ і сувязі з кожным годам усё менш. Калі ў лістападзе 2022 года іх было амаль 4,8 тысячы чалавек, то ў лістападзе мінулага года ўжо крыху больш за 3 тысячы.
Амаль палова ўсіх спецыялістаў, якія трапілі ў статыстыку Белстата, атрымлівае ад 1 да 3 тысяч рублёў. І за год іх таксама стала менш: было 37 тысяч — цяпер 27 тысяч.
Верагодна, гэта следства ў тым ліку нізкай зацікаўленасці ІТ-кампаній у 2022-2023 у Junior спецыялістах.
Айцішнікаў з заробкам 10 000+ рублёў стала яшчэ больш
Толькі дзве катэгорыі спецыялістаў у сектары «інфармацыя і сувязь» павялічыліся за апошні год. Так, на 10% вырасла колькасць спецыялістаў, якія зарабляюць ад 3 да 5 тысяч рублёў.
Але больш за ўсё ў % павялічылася колькасць самых высокааплатных спецыялістаў (10+ тысяч рублёў): ад 5,5 тысячы да 7+ тысяч, або на 28,2% больш.
Дарэчы, у ІКТ амаль усе спецыялістаў з такім заробкам — айцішнікі.
Вырасла і доля самых высокааплатных спецыялістаў у ІКТ. Калі год таму іх было 8,5%, то ў лістападзе 2023 года ўжо 12,4%.
Мы ўжо звярталі ўвагу на тое, што рост колькасці высокааплатных спецыялістаў выглядае нечаканым ва ўмовах крызісу ў ІТ. Гэта можа быць звязана, у прыватнасці, з карэкціроўкамі Белстатам методыкі разлікаў.
Эксперты вылучылі і іншыя фактары, якія маглі паўплываць на рост колькасці багатых айцішнікаў. Адзін з ключавых — рост курса долара да беларускага рубля. Ён зрушыў у катэгорыю супрацоўнікаў з заробкам 10+ тысяч рублёў значную частку ІТ-спецыялістаў.
Паводле звестак Белстата, за год на 12% — амаль на 800 чалавек — скарацілася колькасць спецыялістаў, якія зарабляюць ад 7 да 10 тысяч рублёў (з 5648 да 4921 чалавек). Частка такіх спецыялістаў магла «аўтаматычна» перайсці ў катэгорыю 10+К праз курсавыя розніцы.
На прыкладзе ўмоўнага заробку ў 3,5 тысячы долараў:
- Лістапад 2022: гэта 8540 рублёў (сярэдні курс долара, паводле звестак Нацбанка, — 2,44 рубля).
- Лістапад 2023: гэта ўжо каля 11 000 рублёў (курс вырас да лістапада на 28% — да 3,13 рубля).
На статыстыцы, верагодна, адбіўся і рэальны перагляд заробкаў самых дасведчаных спецыялістаў, якія дамагаюцца павышэння на фоне адтоку кваліфікаваных кадраў.
Таксама на сітуацыі з зарплатамі мог адбіцца Актыўны прыход на беларускі рынак расійскіх кампаній, гатовых актыўна канкурыраваць за айцішнікаў.
Чытачы, што для вас dev.by?
- Месца сустрэчы з супольнасцю?
- Крыніца навін пра ІТ Беларусі?
- Крыніца любых навін?
- Месца для дыскусіі?
- Пляцоўка для адукацыі і абмену досведам?
- Кар’ерны кансультант?
- Можа, усё пералічанае вышэй? А, можа, нешта іншае?
А хто вы для dev.by?
Супольнасць людзей, якая развівае беларускую ІТ-індустрыю і робіць яе поўнай таленавітых праектаў, цікавых дыскусій і навін. Мы тут, каб трымаць вас у курсе гэтых прыгод. dev.by для нас — гэта ўсё пералічанае вышэй, а яшчэ — праца. Падтрымайце нашую рэдакцыю!
Вашыя грошы даюць нам магчымасць выплачваць заробкі журналістам, менеджарам, распрацоўшчыкам, прадзюсарам — усім тым, хто робіць dev.by. Засапорціць нас можна:
— Праз Patreon
— Праз Donorbox (калі вы ў Беларусі)
— Крыптой, тут гаманцы.
Дзякуй!
Читать на dev.by