Amazon спрабуе вярнуць былых спецыялістаў, у тым тых, хто трапіў пад масштабныя звальненні — за апошні год кампанія скараціла звыш 30 тысяч чалавек. Як вынікае з унутраных лістоў эйчар-службы кампаніі, якія апынуліся у распараджэнні Business Insider, яна рассылае экс-супрацоўнікам лісты з прапановамі пра працу ў ШІ-сферы і воблачных сервісах, абяцаючы спрошчаны працэс суразмоўяў.
Amazon спрабуе вярнуць былых спецыялістаў, у тым тых, хто трапіў пад масштабныя звальненні — за апошні год кампанія скараціла звыш 30 тысяч чалавек. Як вынікае з унутраных лістоў эйчар-службы кампаніі, якія апынуліся у распараджэнні Business Insider, яна рассылае экс-супрацоўнікам лісты з прапановамі пра працу ў ШІ-сферы і воблачных сервісах, абяцаючы спрошчаны працэс суразмоўяў.
У адным з лістоў рэкрутар з падраздзялення ШІ-агентаў, якім кіруе віцэ-прэзідэнт AWS Свамі Сівасубраманіян, прапануе спецыялістам па машынным навучанні абмеркаваць новыя ролі ў межах Swami’s Boomerang Reengagement Initiative. У іншым лісце рэкрутар фінансавага аддзела AWS прапануе былому супрацоўніку прайсці паскораны цыкл інтэрв’ю проста да офера і заадно цікавіцца, ці не стала ж прычынай яго сыходу патрабаванне працаваць з офіса. У гонцы за ШІ-кадрамі з Google, OpenAI, Meta і Anthropic кампаніі выгадней звярнуцца да правераных спецыялістаў са зразумелым бэкграўндам.
«З моманту вашага сыходу ў нас шмат што змянілася, а ў сферы ШІ і машыннага навучання цяпер кіпіць сапраўды крутая праца», — гаворыцца ў лісце.
Прадстаўніца Amazon адзначыла, што так званы бумеранг-хайрынг — гэта стандартная шматгадовая практыка кампаніі, а не новая спецыяльная акцыя пад ШІ. Яна пацвердзіла, што пад паўторны наём могуць трапляць і раней скарочаныя супрацоўнікі, але падкрэсліла, што кампанія адкрывае вакансіі пад бягучыя патрэбы і не мяняе свае строгія патрабаванні па працы з офіса.
Тым не менш, паводле дадзеных кампаніі ADP, якая займаецца аўтаматызацыяй кадравага ўліку і разліку заробкаў, у сакавіку 2025 года бумерангі склалі 35% ад усіх нанятых супрацоўнікаў у ЗША — супраць 31% годам раней. А ў амерыканскім тэхнасектары на бумерангі прыходзілася амаль дзве траціны новых залічэнняў у штат: кадрам, якія вярталіся, трэба менш часу, каб уліцца, і пры гэтым яны закрываюць рэдкія кампетэнцыі.
Рэлацыраваліся? Цяпер вы можаце каментаваць без верыфікацыі акаўнта.
Уволить с норм должностей, а потом вернуть на худшие условия. Капитализм.