На тэхналагічным рынку ЗША працягваецца зацяжная хваля звальненняў, якая пачалася пасля бурнага пандэмічнага найму. Кампаніі актыўна скарачаюць штат ужо некалькі гадоў запар, і сітуацыя застаецца напружанай: вакансій менш, канкурэнцыя за іх расце. Людзі рассылаюць сотні водгукаў, але не атрымліваюць адказу, піша Los Angeles Times.
На тэхналагічным рынку ЗША працягваецца зацяжная хваля звальненняў, якая пачалася пасля бурнага пандэмічнага найму. Кампаніі актыўна скарачаюць штат ужо некалькі гадоў запар, і сітуацыя застаецца напружанай: вакансій менш, канкурэнцыя за іх расце. Людзі рассылаюць сотні водгукаў, але не атрымліваюць адказу, піша Los Angeles Times.
Паводле дадзеных Challenger, Gray & Christmas, за студзень-люты амерыканскія ІТ-кампаніі абвясцілі больш за 33 тысячы звальненняў, што на 51% больш, чым за той жа перыяд годам раней. Паводле падлікаў layoffs.fyi, у глабальным тэхсектары ў гэтым годзе ўжо 35+ тысяч звальненняў, хаця амаль палова прыпадае на Amazon.
Скарачэнні праводзяць у тым ліку тэхкампаніі, не датычныя непасрэдна да ШІ-буму, напрыклад eBay, Autodesk, Pinterest, а таксама гульнявыя і медыйныя кампаніі накшталт Riot Games. Block вырашыў звольніць 4+ тысячы супрацоўнікаў, таму што хоча каманды паменш і пабольш ШІ.
Некаторыя кампаніі звязваюць скарачэнні з укараненнем ШІ. Кіраўнік Salesforce Марк Бэніёф заявіў, што зараз ШІ выконвае ў кампаніі каля 30-50% працы, дазваляючы павышаць прыбытак пры меншай колькасці супрацоўнікаў.
Аднак эксперты лічаць, што ШІ — не адзіная прычына звальненняў. Па словах эканаміста Каліфарнійскага ўніверсітэта ў Берклі Энрыка Марэці, па меры росту і сталення кампаніі зніжаюць актыўнасць найму, таму што іх прадукты і бізнес-мадэлі стабілізуюцца. А скарачэнні дапамагаюць вызваліць грошы для новых інвестыцый, у тым ліку ў ШІ.
На фоне масавых звальненняў рынак працы перапоўнены спецыялістамі з бігтэха. Многія саіскальнікі адпраўляюць сотні заявак і праходзяць некалькі этапаў сумоўяў, але ўсё роўна атрымліваюць адмовы. Па словах экспертаў, 6 гадоў пастаянных звальненняў у індустрыі прымусілі многіх супрацоўнікаў перагледзець уяўленне аб «стабільнасці» айцішнай кар’еры.
Релоцировались? Теперь вы можете комментировать без верификации аккаунта.