Anthropic павышае цану на сваю АІ-мадэль: яна абыходзіцца даражэй, чым думалі

Хоць новая мадэль пераўзыходзіць па некаторых параметрах флагманскую мадэль Claude 3 Opus, яе кошт вышэйшы, чым у папярэдніх версій. Мадэль даступная праз API Anthropic і шэраг іншых платформаў, уключаючы AWS Bedrock. Anthropic сцвярджае, што Claude 3.5 Haiku карысная для падказак для кодынгу, здабывання і маркіроўкі даных, а таксама для мадэрацыі кантэнту.

Першапачаткова меркавалася, што Claude 3.5 Haiku будзе каштаваць столькі ж, колькі і яе папярэднік, Claude 3 Haiku. Аднак пасля фінальнага тэсціравання кампанія змяніла сваё рашэнне. Тэсціраванне паказала, што прадукцыйнасць Haiku пераўзыходзіць прадукцыйнасць Claude 3 Opus, але пры гэтым яе абслугоўванне абыходзіцца даражэй.

Кошт Claude 3.5 Haiku пачынаецца ад $1 за 1 мільён уваходных токенаў (прыкладна 750 000 слоў) і $5 за 1 мільён выходных токенаў. Для параўнання: Claude 3 Haiku каштавала 25 цэнтаў за 1 мільён уваходных токенаў і $1,25 за 1 мільён выходных токенаў, то-бок цэны выраслі ў чатыры разы.

Claude 3.5 Haiku таксама не можа аналізаваць выявы, што робіць яе менш функцыянальнай у параўнанні з Claude 3 Haiku. Кампанія адзначыла, што новая мадэль застанецца даступнай «для карыстальнікаў, якім патрабуецца максімальная эканамічнасць і апрацоўка выяў».