У Apple Music з'явіцца функцыя караоке

Рэжым караоке атрымаў назву Apple Music Sing. Падпісчыкі сэрвісу змогуць уключыць трэк на жаданне і падпяваць: у праграме з’явяцца радкі тэксту, гучнасць вакалу можна будзе рэгуляваць пад сітуацыю.

У караоке дададуць магчымасць спеваў разам з сябрамі. Таксама кампанія падрыхтуе больш як 50 плэйлістоў, прызначаных для спеваў у кампаніі. Доступ да функцыі атрымаюць усе падпісчыкі Apple Music. Дакладная дата запуску караоке-рэжыму пакуль не названая.