Apple не стала адаптаваць iPhone 14 пад сеткі расійскіх аператараў

Паводле даных «Камерсанта», на ўвезеных у Расію смартфонах функцыі працуюць некарэктна або ўвогуле не актывізуюцца. У «Вымпелкаме» адказалі, што праз абмежаванні на баку Apple аператары не могуць прымяніць свае налады. У Tele2 паведамілі, што VoLTE і VoWiFi уключаюцца на сетцы аператара пасля тэставання з вендарам, аднак цяпер узаемадзеянне па ўсіх праектах Apple спынілася.

У МТС растлумачылі, што ім удалося актываваць VoLTE для iPhone 14, аднак у кампаніі не ўпэўненыя, што функцыя будзе стабільна працаваць на ўсіх мадэлях. Падключыць VoWiFi аператар не змог. Абмежаванні працы VoWiFi таксама пацвердзілі ў «Мегафоне». Адсутнасць налад адбілася на рэжыме мадэма ў iPhone 14. Цяпер для раздачы інтэрнэту на іншыя прылады трэба ўручную прапісваць параметры.