Apple адкрыла Swift для распрацоўкі Android-аплікацый

Да гэтага моманту Swift, створаны Apple ў 2014 годзе як замена Objective-C для iOS і macOS, выкарыстоўваўся для Android у асноўным праз неафіцыйныя бібліятэкі. Цяпер, дзякуючы з’яўленню Android Working Group у рамках адкрытага праекта Swift, падтрымка платформы Google стала часткай афіцыйнай стратэгіі.

Узаемадзеянне з Android забяспечваецца інструментам swift-java, які аўтаматычна стварае сувязі паміж Java і Swift. Гэта дазваляе выкарыстоўваць Swift-код разам з існуючымі Android API і бібліятэкамі на Java. Па дадзеных Swift Package Index, больш за 25% пакетаў ужо могуць збірацца пад Android, што дае распрацоўшчыкам шырокую базу гатовага кода.

SDK ужо даступны ў начных зборках, уключаных у ўсталёўшчык Swift для Windows, а таксама даступны для спампавання на macOS і Linux. Разам з рэлізам апублікавана кіраўніцтва Getting Started guide і набор дэманстрацыйных Android-праектаў, напісаных на Swift, якія паказваюць поўны цыкл распрацоўкі.

Рабочая група Swift для Android таксама рыхтуе дакумент стратэгічнага бачання, дзе вызначыць прыярытэты развіцця праекта. Уся праца вядзецца адкрыта — прагрэс можна адсочваць на публічнай дошцы задач праекта.