Apple выбыла з тройкі лідараў па аб'ёме імпарту смартфонаў у Расію

Паводле даных «Ведамасцей», доля Apple летась была 14% рынку — трэцяе месца па аб’ёме імпарту сярод усіх брэндаў. Цяпер кампанія займае 11% рынку і пятае месца сярод брэндаў. Лідарам па колькасці ўвезеных прылад стала Xiaomi (21%) — 1,3 мільёна прылад. У Samsung — 900 тысяч (14%), Honor — 730 тысяч (з 4% да 11,3%), Realme — 710 тысяч (11%).

Аднак па колькасці выкарыстоўваных прылад Apple усё яшчэ знаходзіцца ў тройцы лідараў — расійцы карыстаюцца 13 мільёнамі iPhone. Больш за ўсё смартфонаў у Samsung — 31 мільён, у Xiaomi — 24,8 мільёна прылад. Па выручцы Apple па-ранейшаму займае першае месца: на iPhone прыйшлося 40% продажаў за першы квартал. Скарачэнне імпарту кампенсаваў рост сярэдніх цэн на прылады — ад 89 тысяч да 98 тысяч рублёў.