Apple закрыла ўразлівасць у iOS, пра якую заявіла «Лабараторыя Касперскага»

Праблема тычылася састарэлых версій iOS да зборкі 15.7. Таксама шкодная кампанія магла закранаць прылады з iPad OS, watchOS і macOS. Apple ліквідавала ўразлівасць у iOS 16.5.1 і iOS 15.7.7. У сваім паведамленні кампанія асобна вылучыла імёны супрацоўнікаў «Лабараторыі Касперскага», якія выявілі праблему: Георгія Кучэрына, Леаніда Безвяршэнкі і Барыса Ларына.

Уразлівасць выявіла «Лабараторыя Касперскага», пра яе стала вядома на пачатку чэрвеня. Вірус трапляў на прыладу праз укладанне, адпраўленае ў iMessage. Далей ён збіраў і выгружаў на свае серверы даныя карыстальнікаў. Інфармацыя пра праблему апублікаваная на афіцыйнай старонцы Apple пра патч бяспекі.