Байдэн упершыню ў Кангрэсе заклікаў узмацніць антыманапольнае заканадаўства ў дачыненні да бігтэху

Таксама Байдэн заклікаў абмежаваць колькасць збіранай інфармацыі. Bloomberg заўважае, што слова «антыманапольны» прагучала ў звароце ўпершыню ад 1979 года. Раней Мінюст ЗША падаў пазоў супраць Google, у якім патрабаваў падзяліць рэкламны бізнэс кампаніі на некалькі частак. Амерыканскія ўлады лічаць, што Google 15 гадоў злоўжывае дамінуючым становішчам на рынку інтэрнэт-рэкламы.

На думку Байдэна, пік інфляцыі ўжо пройдзены, і ЗША «знаходзяцца ў лепшым становішчы, ніж любая іншая краіна на Зямлі». Прэзідэнт згадаў сітуацыю з паўправаднікамі: ЗША плануюць укласці ў вытворчасць чыпаў унутры краіны $53 мільярды. У прыклад ён прывёў Intel, якая плануе будаваць заводы нягледзячы на адставанне ад канкурэнтаў на рынку працэсараў.