Карыстальнік Threads пад нікам oscarlansky падзяліўся гісторыяй пра наём і пошук працы. Ён выклаў замест нармальнага рэзюмэ на ролю фронтэнд-распрацоўшчыка рэцэпт прыгатавання пельменяў «Брэсцкія падушачкі». І меў поспех.
Карыстальнік Threads пад нікам oscarlansky падзяліўся гісторыяй пра наём і пошук працы. Ён выклаў замест нармальнага рэзюмэ на ролю фронтэнд-распрацоўшчыка рэцэпт прыгатавання пельменяў «Брэсцкія падушачкі». І меў поспех.
«Напісаў у рэзюмэ рэцэпт пельменяў. Ну, а што, які рынак найму такія і рэзюмэ. Да майго здзіўлення, яно нават нейкую канверсію мае і трапляе ў выдачу. Відаць алгарытмы не супраць такога фармату», — падзяліўся аўтар. Ён дадаў, што дзеля эксперыменту заліў 10 тэставых рэзюмэ на розных профілях, каб «памацаць і вывучыць рынак на джоб-сайтах». Кажа, пакуль намацаў вельмі, вельмі мала.
Паглядзець у Threads
Рэзюмэ, аднак, набрала каля тысячы праглядаў і нават прынесла запрашэнне на сумоўе — пры тым, што вісіць у пасіўным фармаце дзеля цікавасці, падкрэслівае аўтар. «Ля нават у пельменяў 457 адпаведных вакансій», — пракаментаваў нехта.
«Хутчэй за ўсё нехта з Трэдс усё ж знайшоў маё рэзюмэ і кінуў запрашэнне, але калі меркаваць што водгук арганічны, то гэта проста поўны нума нума е. Я ўяўляю твар рэкрутара, якому нейронка адсартавала рэзюмэ з пазнакамі „Ёсць пацверджаныя навыкі“, „Ёсць канкрэтныя дасягненні“, „Падыходзіць па навыках на 99%“, і нават кінула аўтазапрашэнне — а там пельмені», — дзеліцца ўражаннямі топікстартар.
Яму ўдалося спісацца і стэлефанавацца з прадстаўніком кампаніі, якому ён «пачаў з разумным выглядам расказваць пра досвед працы».
«І толькі потым ён заўважыў, што ў рэзюмэ рэцэпт пельменяў. Пасядзелі, пасмяяліся, сышліся на меркаванні, што фільтры гаўно», — адзначае oscarlansky. Здзіўленню яго суразмоўцы таксама не было межаў. Аўтару былі гатовыя прапанаваць офер, але рэзюмэ напісана пад фронтэндара, а ён працуе ў іншай сферы. Кажа, што тэсты з рэзюмэ для сябе ён скончыў, пераканаўшыся «ў поўнай усратасці алгарытмаў».
Паглядзець у Threads
Далей ён растлумачыў, навошта вырашыў напісаць пра пельмені: «Паколькі я менеджар па стратэгіі і росце, у маю зону адказнасці ўваходзіць у тым ліку эфектыўны наём для кампаніі. Паўстала пытанне аб якасці лідоў і бюджэце на ўсім вядомым джоб-сайце. Ну і чыста дзеля цікавасці зрабіў тэст з пазіцыі саіскальніка з 10 рознымі рэзюмэ, сярод якіх было рэзюмэ пельменяў, заточанае пад ATS і ШІ-агентаў».
Калі рэцэпт пельменяў абыходзіць сістэмы адсочвання кандыдатаў, разважае аўтар, значыць яны цэняць ключавыя словы вышэй сэнсу, і добрыя кандыдаты могуць не даходзіць да сумоўя проста таму, што не дадалі патрэбныя словы і тэгі. І пошук працы для іх «ператварыўся ў псіхалагічны хорар».
«Я чуў шмат хто зараз пускае чырвоны сайт з-за яго алгарытмаў, асабліва ў айцішцы, і я з усім згодны. Мне аж плакаць хочацца ад усведамлення таго, колькі добрых хлопцаў да нас не дайшлі таму што тупа не змаглі прабіцца праз ATS», — напісаў аўтар.
Карыстальнікі ў каментарыях таксама ацанілі нетрывіяльны падыход.
«У вас праглядаў за тыдзень больш, чым у мяне з маім звычайным рэзюмэ», — адзначыў адзін. «Я, як працадаўца, з верагоднасцю 80% запрасіў бы на сумоўе аўтара такога рэзюмэ, калі ён свядома напісаў тэкст, а не скапіпасціў)», — напісаў іншы. Іншыя пагаджаліся з «геніяльнасцю» ідэі — «можа хоць так рэзюмэ будуць чытаць».
Рэлацыраваліся? Цяпер вы можаце каментаваць без верыфікацыі акаўнта.