Міністр замежных спраў Беларусі Максім Рыжанкоў абвінаваціў «калектыўны Захад» у стварэнні «сіліконавага занавесу» ў галіне штучнага інтэлекту (відавочна, па аналогіі з «Сіліконавай» далінай, якая Крамянёвая). Пра гэта ён заявіў 25 верасня падчас дэбатаў аб ШІ на пасяджэнні Савета Бяспекі ААН у Нью-Ёрку.
Міністр замежных спраў Беларусі Максім Рыжанкоў абвінаваціў «калектыўны Захад» у стварэнні «сіліконавага занавесу» ў галіне штучнага інтэлекту (відавочна, па аналогіі з «Сіліконавай» далінай, якая Крамянёвая). Пра гэта ён заявіў 25 верасня падчас дэбатаў аб ШІ на пасяджэнні Савета Бяспекі ААН у Нью-Ёрку.
«Напэўна, ні дня не праходзіць без загалоўкаў у прэсе аб чарговым прарыве ў выкарыстанні ШІ. Так, гэта так. Прагрэс у гэтай галіне адкрывае дагэтуль немагчымыя перспектывы развіцця практычна па ўсіх напрамках чалавечай жыццядзейнасці: у барацьбе са зменай клімату, голадам, невылечнымі хваробамі і гэтак далей. Аднак не ўсё так пазітыўна і абяцальна, паколькі ШІ — гэта як славуты меч аб двух канцах», — цытуе Рыжанкова БелТА.
У гэтай сувязі ён паскардзіўся на спробы заходніх краін выключыць астатнія краіны з працэсаў развіцця і асваення ШІ, каб забяспечыць сабе ваеннае і эканамічнае перавагу.
«Па сутнасці, у гэтай галіне ствараецца новы занавес — на гэты раз не ідэалагічны, а тэхналагічны — „сіліконавы“, які павінен падзяліць Захад і іншы свет — Глабальную большасць — і вярнуць краіны Глабальнай большасці ў новы неакаланіялізм», — адзначыў беларускі дыпламат, дадаўшы, што гэта не проста шлях у нікуды, а «у прорву для ўсяго чалавецтва».
Рыжанкоў падкрэсліў, што ШІ павінен быць здабыткам усіх краін без выключэння, таму што толькі так ён будзе служыць на карысць міру і развіцця. А таксама выказаўся аб прымяненні ШІ ў ваеннай галіне.
«Няспынныя ўзброеныя канфлікты спрыяюць апераджальнаму развіццю ваенных тэхналогій. Сучасныя канфлікты — гэта войны беспілотных лятальных апаратаў, высокадакладнай зброі і смяротных аўтаномных сістэм узбраенняў, якія могуць валодаць саманавучальнай функцыяй, уласцівай ШІ. Ёсць рэальная рызыка, што алгарытмы ШІ ў сістэмах узбраенняў на пэўным этапе стануць самастойна прымаць рашэнні», — адзначыў кіраўнік МЗС. І нагадаў, што людзей пра ўсё даўно папярэдзілі ў тэхнатрылерах, дзе штучны розум прыводзіць да запуску ядзерных ракет і спрабуе знішчыць чалавецтва. У заключэнне міністр сказаў, што ШІ павінен быць падкантрольны людзям.
Релоцировались? Теперь вы можете комментировать без верификации аккаунта.
Вот как важно и полезно дружить с Западом.
ps. ИТ в РФ всего 2% от мирового.
вы ж не працытавалі сама цікавае, пра Скайнэт!