Беларусы паднялі $1,25 млн для стартапа па пошуку дыстанцыйнай працы

Гэта быў прэсід‑раўнд, які ўзначаліў фонд TMT Investments. Таксама стартап падтрымалі AltaIR Capital, Yellow Rocks, Smart Partnership Capital і I2BF Global Ventures. Усяго за час існавання Global Work атрымаў $1,4 млн інвестыцый. Ацэнка стартапа не ўдакладняецца.

Сэрвіс агрэгуе больш за 400 тысяч вакансій, кожную з якіх аналізуе нейрасетка. Функцыя AutoApply аўтаматызуе падачу заявак ад саіскальнікаў, а ШІ фарматуе водгукі на вакансіі.

Стартап заснавалі выпускнікі Брэсцкага дзяржаўнага тэхнічнага ўніверсітэта Аляксей Чапавы і Аляксей Дзядзішчаў у 2023 годзе. Чапавы яшчэ ў 2014‑м стварыў кампанію па распрацоўцы ПЗ для бізнесу SmartexLab. Дзядзішчаў быў яе топ‑менеджарам, а ў 2020‑м заняў пасаду CEO. Акрамя таго, у 2020–2024 гадах Чапавы з партнёрамі запускаў ІТ‑кампаніі Zoomerapps, Auxilium і маркетплейс для сувязі кампаній з распрацоўшчыкамі Expert Remote. У апошняй сузаснавальнікам стаў Дзядзішчаў. У пэўны момант фаўндары заўважылі, што айцішнікам складана знайсці дыстанцыйную працу. У выніку з’явіўся Global Work.