"БЕЛДЖЫ" перадумаў выпускаць «першы беларускі электрамабіль», але абяцае нешта іншае

Завод завяршыў усе тэхнічныя працы па мадэлі. Але потым высветлілася, што яе кампаненты, напрыклад электрарухавікі, батарэі і інвертары, каштуюць даражэй за тыя, якія сёння ёсць на сусветным рынку. «Таму пакуль рашэнне аб запуску ў серыйную вытворчасць эканамічна немэтазгодна», — адзначыў ён.

Да канца года «БЕЛДЖЫ» «спадзяецца» прэзентаваць дзве новыя мадэлі аўто розных брэндаў для нашага рынку, сказаў Свідэрскі. Гэта будзе бюджэтная электрычная мадэль Geely E22H і гібрыдны кросовер Belgee X80. У кампаніі лічаць, што гэтыя аўто канкурэнтаздольныя па цэнах і знойдуць сваіх пакупнікоў.

Паводле слоў кіраўніка прадпрыемства, кросавер Belgee таксама плануецца пастаўляць на расійскі рынак. У жніўні-верасні будуць атрыманы патрэбныя сертыфікаты. Аўто мае запас ходу больш за 900 км і запас батарэі прыкладна на 100 км. Мадэль адрозніваецца камбінаваным камп’ютарным кіраваннем, якое дасць максімальную эканомію і зручнасць для пакупнікоў. На канвеер яе плануюць паставіць у 3 квартале.