Белстат упершыню падлічыў, як беларусы працуюць дыстанцыйна і праз платформы

За 2025 год платформенная занятасць — гэта значыць калі заказчык і выканаўца ўзаемадзейнічаюць праз якую-небудзь платформу — склала 0,5% ад занятых у эканоміцы, а дыстанцыйная занятасць — 0,8%.

Па поле дыстанцыйныя працаўнікі падзяліліся прыкладна напалову — сярод іх 51% мужчын і 49% жанчын. Больш за траціна аддаленшчыкаў маюць дзяцей, амаль 80% — вышэйшую адукацыю. У найме працуе 63%. Самая вялікая група па відзе дзейнасці — працаўнікі інфармацыі і сувязі, на іх прыходзіцца амаль 50% усіх аддаленшчыкаў у Беларусі. Далей ідуць прадстаўнікі прафесійнай, навуковай і тэхнічнай дзейнасці, а таксама супрацоўнікі сферы гандлю, часовага пражывання і харчавання.

 

 

 

Калі казаць пра платформенную занятасць, то тут суадносіны мужчын і жанчын прыкладна 2 да 1. На самазанятых прыходзіцца 41%. Больш за ўсё платформенных працаўнікоў — амаль 32% — супрацоўнічаюць са службамі таксі. 19% займаюцца продажам тавараў, 18% прадастаўляюць паслугі ў сферы ІТ.

Белстат адзначае, што яго дадзеныя «дазволяць адаптаваць працоўнае заканадаўства да сучасных рэалій гнуткага рынку працы, дапамогуць павысіць эфектыўнасць кіравання кадрамі і знізіць узровень ценявой занятасці».

Палова беларусаў эфектыўна працуе толькі паўдня — даследаванне

Па тэме

Палова беларусаў эфектыўна працуе толькі паўдня — даследаванне

Беларусь гатова прапанаваць інвестарам пляцоўкі пад дата-цэнтры, выгадна — Нацбанк

Па тэме

Беларусь гатова прапанаваць інвестарам пляцоўкі пад дата-цэнтры, выгадна — Нацбанк