Больш за 90% працадаўцаў шукаюць супрацоўнікаў з ведамі ChatGPT

30% з іх такія кадры патрэбныя «вельмі» або «адносна» тэрмінова. Дзве траціны працадаўцаў, якія шукаюць супрацоўнікаў з ведамі ChatGPT, лічаць, што гэты навык можа забяспечыць іхнім кампаніям канкурэнтную перавагу. У прыватнасці, зэканоміць час і рэсурсы, павысіць прадукцыйнасць, забяспечыць творчую і тэхнічную падтрымку супрацоўнікаў, а таксама палепшыць рэпутацыю кампаній. Рэспандэнты лічаць, што такія кадры могуць дзяліцца досведам з калегамі, што яшчэ больш павысіць карысць чатбота для кампаній.

Аўтары даследавання адзначаюць, што кандыдаты з такім досведам на рынку пакуль у дэфіцыце, а попыт на іх у прагрэсіўных кампаніях будзе вельмі вялікі. Кампаніі гатовыя плаціць добрыя грошы спецыялістам па АІ і ChatGPT, каб не адставаць ад перадавых тэхналогій.

Часцей за ўсё рэспандэнты плануюць наймаць такіх спецыялістаў у падраздзяленні па распрацоўцы софту, тэхпадтрымку, у маркетынгавыя і HR-аддзелы.

29% апытаных збіраюцца ад гэтага года пачаць наймаць промпт-інжынераў. Кожны чацвёрты з іх лічыць, што стартавыя заробкі такіх спецыялістаў будуць перавышаць $200 тысяч на год.