Брытанская сям'я атруцілася праз падручнік па пошуку грыбоў. Кнігу напісаў АІ

Паводле слоў Virtual_Cellist_736, яго сям’я трапіла ў бальніцу пасля ўжывання атрутных грыбоў. Іх сабралі па рэкамендацыях кнігі, набытай на буйной анлайн-платформе. Гэтая кніга была згенеравана з выкарыстаннем штучнага інтэлекту і ўтрымоўвала грубыя фактычныя памылкі.

Пасля таго як у сямейнікаў з’явіліся сімптомы атручвання, падазрэнне ўпала на набыты падручнік. Пры ўважлівым вывучэнні выявілася, што тэкст складаўся з дзіўных неадпаведнасцяў і бессэнсоўных фраз. Amazon выдаліў канкрэтную кнігу і заявіў, што імкнецца адсочваць з’яўленне падобных выданняў на сваёй платформе.

Эксперты папярэджваюць, што такія кіраўніцтва могуць быць патэнцыйна небяспечнымі, бо ўтрымліваюць відавочныя памылкі, якія могуць пагражаць жыццю чытачоў. Напрыклад, у некаторых кнігах дадзеныя рэкамендацыі выкарыстоўваць пах і густ для ідэнтыфікацыі грыбоў, што можа прывесці да смяротнага зыходу.