ШІ-продакт-менеджар у Google Марылі Ніка дала вобразную кар’ерную параду: тым, хто хоча развівацца ў кіраванні прадуктамі, варта «быць як краб». Гэта значыць рухацца не ў радыкальна новы бок, а ў блізкі па родзе дзейнасці.
ШІ-продакт-менеджар у Google Марылі Ніка дала вобразную кар’ерную параду: тым, хто хоча развівацца ў кіраванні прадуктамі, варта «быць як краб». Гэта значыць рухацца не ў радыкальна новы бок, а ў блізкі па родзе дзейнасці.
«Гэта азначае, што трэба рухацца ў сумежным напрамку з тым, чым ты ўжо займаўся», — патлумачыла Ніка ў падкасце The Growth Podcast. Па яе словах, мінулы досвед чалавека не перашкода, а канкурэнтная перавага.
Яна прывяла прыклад студэнта са свайго буткемпа. Ён працаваў у індустрыі слыхавых апаратаў і лічыў, што цалкам адрэзаны ад ІТ. Што гэта «зусім іншая сфера» і што ў яго няма шляху ў продакт-менеджмент. Ніка прапанавала яму лепш ацаніць свой бэкграўнд і падумаць, дзе ён можа быць рэлевантным. У выніку яны знайшлі на кар’ерным партале Apple вакансію продакт-менеджара для AirPods, дзе веды аб слыху і гуку могуць быць карыснымі. Па словах Нікі, важна быць адкрытым і не абясцэньваць свой досвед, таму што менавіта ён можа вылучыць кандыдата сярод іншых.
Яшчэ яна расказала аб спартыўным журналісце, які хацеў перайсці на ролю менеджара ШІ-прадуктаў у сферы спорту. Ніка параіла яму абаперціся на глыбокае веданне сваёй індустрыі. Яна адзначыла, што прадуктовыя навыкі можна засвоіць, а вось разуменне карыстальнікаў і галіны замяніць значна складаней.
Кажучы аб навыках, Ніка падкрэсліла, што для продакт-менеджараў сёння крытычна важна разбірацца ў ШІ і разумець, наколькі моцна такія сістэмы залежаць ад дадзеных. Па яе словах, ШІ ужо стаў не дадатковым бонусам, а базавым чаканнем ад саіскальнікаў і супрацоўнікаў. Таксама яна лічыць важным разумець распрацоўку: напрыклад, мець уяўленне аб тым, што такое API і як увогуле выпускаюцца прадукты, нават калі сам чалавек не піша код.
Гэты пункт гледжання падзяляюць і іншыя прадстаўнікі індустрыі. Віцэ-прэзідэнт па прадукце і росце ШІ-напрамкаў у Dropbox распавядаў Business Insider, што продакт-менеджарам варта асвойваць новыя ШІ-інструменты, уключаючы вайбкодынгавыя. Па яго словах, прадакты могуць выкарыстоўваць ШІ для стварэння базавых прататыпаў і пачатковага тэставання ідэй, што паскарае развіццё прадуктовага мыслення і разуменне таго, якія рашэнні маюць сэнс.
Старэйшы продакт-менеджар Microsoft у снежні таксама казаў выданню, што ад продактаў усё часцей чакаюць, што яны будуць выкарыстоўваць ШІ для паскарэння працы. Ён адзначыў, што ШІ-інструменты дапамагаюць яму пісаць працоўныя дакументы, рабіць самары і шукаць рашэнні прадуктовых задач.
Релоцировались? Теперь вы можете комментировать без верификации аккаунта.