CEO Google патлумачыў, чаму ў кампаніі ўсё трываюць і трываюць звальненні
Сёлета Google — павольна і метадычна — правяла ўжо некалькі раўндаў звальненняў. Кіраўнік кампаніі Сундар Пічаі ў інтэрв’ю Bloomberg расказаў, што яна «не спяшаецца, каб усё зрабіць правільна».
Раней Пічаі крытыкавалі як кіраўніка і за тое, як арганізаваныя звальненні. Нягледзячы на гэта ён кажа, што як кіраўнік вялікай кампаніі ён прымае «менш сур’ёзных рашэнняў, але яны маюць быць выразнымі».
У адных выпадках, паводле яго слоў, Google спрашчае структуру каманд, у другіх — пераводзіць людзей на новыя кірункі. Некаторыя каманды кампанія скасоўвае цалкам, каб стаць больш паваротлівай.
Ад пачатку 2023 года Google адным махам скараціла 12 тысяч чалавек. 2024 год таксама пачаўся са звальнення тысяч супрацоўнікаў у ключавых інжынерных і хардверных групах. Тады Пічаі казаў, што на гэтым яшчэ не ўсё — і стрымаў слова.
У красавіку кампанія пазбавілася супрацоўнікаў у некалькіх камандах, якія займаліся фінансамі і нерухомасцю. Таксама быў анансаваны рэлакейт некаторых пазіцый у Бангалор, Мехіка і Дублін.
У Google не прызнаюцца, колькі людзей выгналі ад пачатку года. Пічаі ў інтэрв’ю сказаў, што кампанія «пераразмяркоўвае людзей» на «найбольш прыярытэтныя» праекты.
Скарачэння маюць дапамагчы Google знізіць выдаткі на распрацоўку АІ і развіццё шэрагу воблачных тэхналогій. У каментары Business Insider прадстаўнік Google таксама адзначыў, што кампанія правяла шэраг пераўтварэнняў для павышэння эфектыўнасці, ліквідацыі лішніх слаёў у іерархіі і прывядзення рэсурсаў у адпаведнасць з прыярытэтамі.
Читать на dev.by