CEO Nvidia заклікаў выкарыстоўваць атамную энергетыку для сілкавання дата-цэнтраў

Топ-менеджар назваў атамную выдатным варыянтам аднаўляльнай энергіі. Таксама ён падкрэсліў важнасць выкарыстання розных відаў энергіі для вырашэння праблем, звязаных з даступнасцю, коштам і ўстойлівасцю яе пастаўкі.

Дэфіцыт электраэнергіі, паводле слоў Хуанга, стварае сур’ёзныя перашкоды для будаўніцтва новых цэнтраў апрацоўкі даных у некаторых рэгіёнах. А іншыя не могуць з гэтай прычыне працаваць на поўную магутнасць альбо размешчаныя занадта далёка ад населеных пунктаў, што ўскладняе лагістыку электраэнергіі.