Колькасць памерлых стартапаў расце, і гэта пачынае адбівацца на воблачнай індустрыі
Паводле падлікаў аналітыкаў Carta, у трэцім квартале 2023 года збанкрутавала або з іншых прычын закрылася 212 стартапаў. Гэтая лічба імкліва павялічваецца з 4 квартала мінулага года. Прычым рэальная лічба, як адзначае Insider, можа быць яшчэ вышэйшай.
Усяго ад студзеня спынілі існаванне 543 стартапы. Гэта больш, ніж за любы год прынамсі ад 2019-га.
І гэта — дрэнныя навіны для пастаўшчыкоў воблачных паслуг, бо іх даходы і рост збольшага залежаць ад выдаткаў стартапаў. Калі маладыя кампаніі сыходзяць з рынку і перастаюць карыстацца паслугамі воблачнага сектара, яму складаней захоўваць рост.
Паводле прагнозаў спецыялістаў Carta, павышаныя тэмпы гібелі стартапаў будуць назірацца яшчэ два ці тры кварталы.
Тры найбуйнейшыя правайдары — Amazon, Microsoft і Google — ужо зрабілі справаздачу аб запаволенні росту продажаў сваіх воблачных падраздзяленняў, нават нягледзячы на бум генератыўнага АІ. (Зрэшты, у Microsoft у гадавых суадносінах прырост быў высокім, але квартальны выявіўся ніжэйшым, ніж за некалькі папярэдніх справаздачных перыядаў). Кампаніі тлумачаць гэта тым, што кліенты аптымізуюць выдаткі на ІТ.
Читать на dev.by