У Dell прайшлі чысткі сярод топ-менеджараў. Цяпер у іх будзе шмат падначаленых

Так, у топаў на ўзроўні віцэ-прэзідэнтаў і вышэй цяпер павінна быць як мінімум 15 прамых падначаленых. А перад кіраўнікамі ніжэйшага рангу — дырэктарамі і старэйшымі мэнэджарамі — будзе адказваць па 20 чалавек.

Прадстаўнік кампаніі ў каментары выданню адзначыў, што Dell пастаянна шукае спосабы ўдасканалення бізнесу, каб даваць кліентам і партнёрам як мага больш інавацый і карысці. У тым ліку праз паляпшэнне працоўных працэсаў. Больш плоская іерархія, у якой менш узроўняў менеджменту, зробіць кампанію больш гнуткай. Паводле BI, рэарганізацыя дазволіць Dell паскорыць прыняцце рашэнняў і спросціць выкананне задач для супрацоўнікаў.

Пра маючыя адбыцца змены работнікам паведамлялі цягам красавіка. У выніку некаторых менеджараў звольнілі, а некаторых перавялі ў статус самастойных individual contributors без падначаленых. За апошнія два гады глабальны штат Dell скараціўся на 25 тысяч чалавек.

Мантра «рабіць больш з меншымі выдаткамі» (do more with less) гучыць па ўсёй ІТ-індустрыі. Пра гэта словамі і справамі кажуць, напрыклад, Amazon, Google, Meta і Microsoft, якія звальняюць супрацоўнікаў, аб’ядноўваюць каманды і павялічваюць нагрузку дзеля павышэння эфектыўнасці і эканоміі.