Пакуль Крэмніевая даліна масава адмаўляецца ад класічных тэхнічных інтэрв’ю, рэкрутынгавы ШІ-стартап Mercor з ацэнкай у $10 млрд пайшоў насуперак трэнду. Кампанія вярнула белыя дошкі для маркераў і практычна прыбрала хатнія тэставыя заданні, якія кандыдаты прывыклі здаваць з дапамогай ШІ.
Пакуль Крэмніевая даліна масава адмаўляецца ад класічных тэхнічных інтэрв’ю, рэкрутынгавы ШІ-стартап Mercor з ацэнкай у $10 млрд пайшоў насуперак трэнду. Кампанія вярнула белыя дошкі для маркераў і практычна прыбрала хатнія тэставыя заданні, якія кандыдаты прывыклі здаваць з дапамогай ШІ.
Дырэктар па прадукце Mercor Освальд Ніцкі ў падкасце 20VC растлумачыў, што кампаніі важна бачыць уменне спецыяліста думаць. «Мы хочам быць упэўнены, што людзі па-ранейшаму здольныя цвяроза разважаць і разумеюць, што робяць, а не проста пераказваюць тое, што выдае Claude», — адзначыў ён.
У Mercor пакінулі ўсяго адзін этап для праверкі навыкаў працы з ШІ-інструментамі. У астатнім кандыдатаў ганяюць па класічным сістэмным дызайне, статыстыцы і правяраюць інжынернае мысленне прама ля дошкі.
Гэты падыход супярэчыць існуючаму трэнду. Большасць стартапаў накшталт Lovable, Cursor і Kilo цяпер пераходзяць на тэставыя дні і практычныя воркшопы, замяняючы імі традыцыйныя суразмоўі. Тут лічаць такі фармат адзіным спосабам хутка ацаніць софт- і хард-скілы.
Тым часам тэхгіганты накшталт Google, LinkedIn і Cisco афіцыйна дазволілі кандыдатам карыстацца нейрасеткамі на інтэрв’ю. А некаторыя стартапы і зусім даюць суіскальнікам поўны доступ да ШІ-асістэнтаў падчас тэставых заданняў.
Кіраўніца HR у стартапе Cognition Эмілі Коэн параўноўвае забарону на нейрасеткі з забаронай калькулятараў на ўроках матэматыкі. На ейную думку, калі спецыяліст будзе выкарыстоўваць ШІ ў рэальнай працы кожны дзень, то дазваляць яго на суразмоўі — само сабой зразумелы крок.
Рэлацыраваліся? Цяпер вы можаце каментаваць без верыфікацыі акаўнта.