devby 17 гадоў! Згадваем наш (і ваш) пераходны ўзрост і дзелімся віш-лістом

Рэальнасць такая, што беларуская ІТ-супольнасць раскідана па свеце, спрабуе пусціць карані ў новых краінах ці перабрацца ў іншыя, пакуль гэта яшчэ магчыма. Большая частка нашых чытачоў застаецца ў Беларусі, спрабуючы культываваць крохкую нармальнасць унутры сваёй бурбалкі.

Такі расклад — дакладна не зона камфорту ні для камьюніці, ні для медыя, але мы спраўляемся і дапамагаем адзін аднаму.

Так, пераходны ўзрост апошніх пяці гадоў усіх нас пазношваў — у гэтым прымусовым «пераходзе» ў якасна (і колькасна) новы стан выгаралі кампаніі і супрацоўнікі, цвёрдая фінансавая глеба разыходзілася пад нагамі, вобраз будучыні пакідалі адзінарогі, былі вытаптаны палянкі з баравікамі. Але мы неяк выжылі ў гэтым ліхалецці і, здаецца, амаль завяршылі пераход.

І вось што нам з вамі ўдаецца:

• Адсочваць навінавыя сюжэты беларускага і сусветнага ІТ.
• Рабіць даследаванні ІТ-рынку.
• Маніторыць вакансіі і рэсурсы, карысныя ў пошуку працы.
• Даведвацца меркаванне камьюніці па сур’ёзных і не вельмі пытаннях.
• Падтрымліваць сувязь з кіраўнікамі кампаній і з аўтарытэтнымі ІТ-асобамі.
• Асвятляць жыццё рэлакантаў ва ўсёй яе вар’яцкай палітры: легалізацыя, побыт, мова, сацыялізацыя.
• Распавядаць пра турботы айцішнікаў, а часам і дапамагаць аднаўляць справядлівасць.
• Перыядычна паглыбляцца ў тэмы не «пра айці», але важныя для камьюніці.
• Даваць слова вам — 150+ аўтараў вядуць блогі на devby.

Увогуле, як можам, трымаем руку на пульсе (хоць часам і здаецца, што ён знікае) беларускай і сусветнай ІТ-індустрыі. Падтрымліваем ніткі, што звязваюць беларускае ІТ-камьюніці. Верым, што мы патрэбныя адзін аднаму.

Працягваем з вашай дапамогай.

І дарэчы, вось наш віш-ліст — можна заданаціць:

• На торт са свечкамі для рэдакцыі — 10$.
• На каментарыі, якія прыемна чытаць — 25$.
• На сумленныя гісторыі пра беларускае ІТ — 50$.
• На сацпакет — 250$.
• На ноўтбук для рэдактара — 500$.
• На адкорм Dzik’аў і іх адмінаў — 1000$.

Ці заданаціць крыптавалютай

• USDT (TRC-20): TQFVPcasjM4tEuYeF6FKXh2emwbkrNL27y
• ETH: 0×4bb71a4ad76140724ce70a2683b3c90ae699083e
• BTC: bc1qv4gwu9kn847f4t4vvces9559m45kf2vmjnkprv