Карыстальнік Reddit пад нікам PlumContent расказаў сваю гісторыю пошуку справядлівасці: ён вырашыў высветліць прычыну бану сваіх акаўнтаў проста ў офісе студыі.
Карыстальнік Reddit пад нікам PlumContent расказаў сваю гісторыю пошуку справядлівасці: ён вырашыў высветліць прычыну бану сваіх акаўнтаў проста ў офісе студыі.
Паводле слоў геймера, першы перманентны бан у Battle.net ён атрымаў без яўнай на тое прычыны ў дзень рэлізу Call Of Duty: Modern Warfare II 28 кастрычніка. Пасля чаго карыстальнік падаў скаргу, якую адразу адхілілі. Тады гулец стварыў новы акаўнт і купіў гульню ў Steam, але яго забанілі другі раз.
PlumContent вырашыў разабрацца ў праблеме і адправіўся ў найбліжэйшы офіс Activision Blizzard ў горадзе Осцін у штаце Тэхас. Карыстальнік не змог трапіць у будынак, бо каля паркоўкі яго спыніў ахоўнік. Паводле слоў геймера, ахоўнік пагадзіўся паразмаўляць з адным з супрацоўнікаў у офісе. Той адказаў, што ім цяпер не хапае людзей і на рашэнне праблемы сыдзе некалькі тыдняў.
Гулец выказаў незадаволенасць ахоўніку і сказаў, што выдаткаваў $140 на гульню, а замест гэтага атрымаў толькі ілжывыя баны. Ахоўнік папрасіў яго не злавацца, а набрацца цярплівасці і дачакацца, пакуль распрацоўшчыкі вырашаць яго пытанне. Прадстаўнікі індустрыі раскрытыкавалі пост PlumContent і адзначылі, што ўчынак карыстальніка больш падобны да пагрозы. Пра гэта напісаў прадзюсар у студыі Aspyr Джэйкаб Гарсія.
«Гэтыя працаўнікі атрымліваюць нешта накшталт $15 за гадзіну і ўсё роўна не могуць дазволіць сабе арэнду жытла, якое яны дзеляць з трыма іншымі людзьмі. Калі ласка, не хадзіце да распрацоўшчыкаў у офісы. Гэта не дапамагае, а прымушае нас баяцца за ўласную бяспеку», — заявіў прадзюсар. Адзначаецца, што гульцы сутыкнуліся з масавымі банамі ў Call Of Duty: Modern Warfare II адразу пасля рэлізу, некаторым ужо знялі блакаванне.
Рэлацыраваліся? Цяпер вы можаце каментаваць без верыфікацыі акаўнта.
Разработчики?! о_О
нищий геймдев...
Каментарый скрыты за парушэнне правілаў каментавання.