У Літве завяршылася гучная справа. ІТ-кампанія схавала сувязі з расійскай і беларускай ваеннай прамысловасцю, змахлявала з грантам ЕС. Двух беларусаў асудзілі, 22 — выслалі з краіны як пагрозу нацыянальнай бяспецы.
У афіцыйных рэлізах назву ІТ-кампаніі не паведамляюць.
У Літве завяршылася гучная справа. ІТ-кампанія схавала сувязі з расійскай і беларускай ваеннай прамысловасцю, змахлявала з грантам ЕС. Двух беларусаў асудзілі, 22 — выслалі з краіны як пагрозу нацыянальнай бяспецы.
У афіцыйных рэлізах назву ІТ-кампаніі не паведамляюць.
З апублікаваных дадзеных справаздачы літоўскай разведкі за 2025 год і матэрыялаў расследнікаў вынікаў, што ў цэнтры скандалу магла аказацца група кампаній з беларускімі каранямі NTLab.
І ў нядаўніх публікацыях літоўскіх СМІ, і ў заяве Дэпартамента дзяржаўнай бяспекі Літвы адсутнічае важная дэталь — назва кампаніі, якой кіравалі і ў якой працавалі гэтыя людзі.
Сцвярджаецца толькі, што гэта літоўская тэхналагічная кампанія, якая ўдзельнічала ў адным з праектаў Агенцтва ЕС у касмічнай праграме EUSPA і махлярскім шляхам атрымала ад Агенцтва амаль 0,5 млн еўра. Праект быў звязаны са стварэннем прымачоў спадарожнікавай навігацыі высокай дакладнасці для выкарыстання ў сельскай гаспадарцы.
Яшчэ адна важная дэталь, на якую звяртае ўвагу літоўскі ДДБ — гэта сувязі кампаніі з расійскай і беларускай ваеннай прамысловасцю.
Служба расследавання фінансавых злачынстваў пры МУС Літвы 1 верасня апублікавала дакладныя лічбы: EUSPA выдзяліў кампаніі 745 453,67 еўра, з якіх кампанія паспела фактычна атрымаць 447 272 еўра.
Вядома таксама, што двое абвінавачаных прызналі віну ў махлярстве, падробцы дакументаў і незаконным прысваенні сродкаў ЕС і ўжо вярнулі ўсю атрыманую суму.
Аднак назвы кампаніі ў паведамленні СРФЗ таксама не было.
На сайце EUSPA няма слядоў падобнага гранту для літоўскай кампаніі. Судзячы па ўсім, інфармацыю пра разарванае грантавае пагадненне выдалілі з афіцыйнага рэестра, не захавалася яна і ў вэб-архіве.
Інфармацыя пра падобны кейс знайшлася ў штогадовай сумеснай публічнай справаздачы аб ацэнцы пагроз нацыянальнай бяспецы Дэпартамента дзяржаўнай бяспекі і Другога дэпартамента аператыўных службаў Міністэрства нацыянальнай абароны Літвы.
У прыватнасці, разведчыкі пішуць пра літоўскія кампаніі NTLab і Kosminis Vytis, заснаваныя грамадзянінам Беларусі, які кіраваў бізнесамі разам са сваімі дзецьмі.
Паводле дадзеных літоўскіх спецслужбаў, кампаніі NTLab і Kosminis Vytis інфармавалі сваіх кліентаў і партнёраў, што з’яўляюцца літоўскімі кампаніямі і не маюць сувязяў з Расіяй і Беларуссю. Аднак, як лічаць разведчыкі, яны нібыта падтрымлівалі сувязі з расійскай і беларускай ваеннай прамысловасцю праз беларускія і расійскія юрыдычныя асобы. У справаздачы ўзгаданы назвы такіх юрыдычных асоб, як Ваенная акадэмія Рэспублікі Беларусь ды інавацыйны цэнтр Сколкава ў Расіі.
Па ініцыятыве спецслужбаў літоўскія ўлады яшчэ вясной 2025 года прызналі гэтыя кампаніі ў Літве «несумяшчальнымі з інтарэсамі нацыянальнай бяспекі» і забаранілі ім працягваць сваю дзейнасць у сферы высокіх тэхналогій.
Справаздача літоўскіх спецслужбаў — гэта не адзінае сведчанне магчымай сувязі NTLab з цяперашняй дэпартацыяй 22 беларускіх айцішнікаў з Літвы.
Гісторыя з грантам EUSPA з’явілася ў літоўскім інфапросторы ў снежні 2025 года. Тады СРФЗ Літвы абвясціла пра пачатак дасудовага расследавання ў дачыненні да «высокатэхналагічнай кампаніі», якая прыцягнула падманным шляхам 1,06 млн еўра з фондаў падтрымкі ЕС, у тым ліку 745 тысяч еўра — ад EUSPA.
І тады дзяржаўныя органы Літвы таксама не публікавалі назву кампаніі.
Аднак літоўскі навіновы партал 15min.lt са спасылкай на «крыніцу, знаёмую з сітуацыяй» паведаміў, што ў расследаванні СРФЗ фігуруе назва кампаніі NTLab.
Са студзеня 2023 па верасень 2025 года ў літоўскай NTLab працавала ад 20 да 25 чалавек. Са студзеня 2026 года ў кампаніі значыцца толькі адзін супрацоўнік.
Паводле дадзеных веб-архіва Wayback Machine афіцыйны сайт кампаніі NTLab, ntlab.lt, перастаў абнаўляцца з сярэдзіны снежня 2025 года. А з чэрвеня 2026 года ён стаў недаступным.
Релоцировались? Теперь вы можете комментировать без верификации аккаунта.
Вот это правильно, депортировать зашкварившихся релокантов работающих на русских обратно в Белоруссию - тут они ещё и за дестабилизацию в 2020 году отсидят.
Хм. Это пост- или метаирония?
Мне кажется раздули коня из мухи...
Скорее всего дело в обычном мошеничестве. Ну возможно в прошлом какое-то отношение и имели к оборонке. Если бы нашли что-то серьезное, то сели бы 22, а не 2...
//
Скорее всего думали что оденут красивые и чистые маечки(не так давно кто-то рекомендовал на девбае), будут улыбаться и уверенно говорить и им дадут 500К баксов. А там уже дело техники...))
Пользователь отредактировал комментарий 8 сентября 2026, 10:33