Каманда экс-топаў Belka Games адкрыла новую гульнявую студыю

«Нам падабаюцца простыя ідэі. Наш падыход да іх нагадвае працу над арыгамі. Некалькі спрытных рухаў — і вось перад вамі гульня, ад якой немагчыма адарвацца», — адзначаецца ў пасце студыі ў LinkedIn.

Больш дэталяў пра Studio 42 пакуль няма. У самой студыі акрамя расійскіх сузаснавальнікаў значацца яшчэ чатыры супрацоўнікі. Усе раней працавалі на розных пазіцыях у Belka Games.

Кафаўндараў тры. Гэта Аляксандр Багданаў, які стаў гендырэктарам Studio 42, а да гэтага больш за сем гадоў займаў аналагічную пасаду ў Belka Games, былы кіраўнік распрацоўкі Belka Games Іван Ларыёнаў і Павел Судакоў, які пяць гадоў адказваў у Belka Games за аддзел R&D.