Николай Чикишев 25 лістапада 2022, 12:05

Эксперты знайшлі VPN-праграмы, якія сочаць за месенджарамі карыстальнікаў Android

Група індыйскіх хакераў Bahamut з дапамогай фэйкавых VPN-праграм укараняе ў Android-смартфоны шпіёнскі софт.

Паводле даных даследавання ESET, сярод найбольш распаўсюджаных праграм былі SecureVPN, Soft VPN і OpenVPN. На думку спецыялістаў, кампанія па распаўсюджванні шкодных праграм пачалася сёлета ў студзені.

Пасля актывацыі праграмы Bahamut могуць атрымаць доступ да SMS, гісторыі выклікаў, месцазнаходжання прылады і любой іншай інфармацыі, уключна з месенджарамі WhatsApp, Telegram і Signal.

Такім чынам, хакеры могуць атрымаць доступ практычна да ўсіх даных прылады без ведама ахвяры. Эксперты выявілі па меншай меры восем заражаных VPN-сэрвісаў, ніводны з іх не распаўсюджваецца праз Googe Play.