EPAM ліквідуе яшчэ адную кампанію ў Расіі
Расійскі актыў EPAM — кампанія «Коўдвэб» — апынуўся ў спісе юрыдычных асоб, якія ліквідуюцца. Інфармацыя з’явілася на партале «Федрэсурс».
EPAM Systems належыць 100% долі ТАА «Коўдвэб». Рашэнне пра ліквідацыю было прынятае яшчэ ў лістападзе мінулага года. Паводле інфармацыі Адзінага дзяржрэестра юрыдычных асоб РФ, цалкам ліквідаваць кампанію плануецца да канца верасня гэтага года.
EPAM валодае ў Расіі некалькімі юрыдычнымі асобамі. Раней стала вядома пра ліквідацыю іншага расійскага актыву — кампаніі «Эпам Рашэнні». Такім чынам у ліку дзейных кампаній у Расіі ў EPAM засталося толькі ТАА «ЭПАМ Сістэмз».
Яшчэ на пачатку сакавіка EPAM заявіў аб прыпыненні абслугоўвання расійскіх кліентаў.
На пачатку лістапада стала вядома, што EPAM падпісаў пагадненне пра продаж сваіх актываў у Расіі трэцяй старане. Кампанія не назвала пакупніка актываў і меркаванай сумы ўгоды. «Тэрміны завяршэння продажу залежаць ад звычайных умоў закрыцця ўгоды, уключна з ухваленнем угоды расійскім урадам», — заявіла кампанія ў сваёй фінансавай справаздачы.
Пры канцы трэцяга квартала актывы EPAM у Расіі ацэньваліся амаль у 43 мільёны долараў.
На рахунках кампаніі знаходзілася 33,1 мільёна долараў, дэбіторская запазычанасць складала 8,8 мільёна долараў, сума забавязанняў расійскіх падраздзяленняў — амаль 11 мільёнаў долараў.
Читать на dev.by