«Флібуста» паведаміла, што заснавальнік анлайн-бібліятэкі здзейсніў самагубства

«Stiver піша: Добры дзень, быццам бы вызначылася дата маёй смерці. Хачу выкарыстаць магчымасць assisted suicide, які ў Германіі цяпер дазволены. Калі ўсё пойдзе па плане, то заўтра, у нядзелю, 20 кастрычніка, атрымаю смяротную дозу ціяпентала. Калі не адпішуся ў панядзелак, значыць спрацавала :) Просьба тады ў аўторак апублікаваць гэтую інфармацыю — для гісторыі і каб спыніць любыя зборы «на дапамогу Сціверу», — гаворыцца ў запісе.

Паведамленне апублікаваў карыстальнік admin2. Сапраўднае імя заснавальніка праекта Stiver невядома. У верасні ён паведаміў, што ў яго дыягнаставалі гліябластому — адную з самых частых і самых агрэсіўных злаякасных пухлін мозга. Stiver дадаў, што «Флібуста» будзе закрытая. 19 кастрычніка стала вядома, што праект працягне працу. admin2 напісаў, што інтэрнэт-бібліятэка будзе працягваць працаваць «як заўсёды».