«Гэта крок у няправільным кірунку»: Microsoft раскрытыкавала новыя правілы Apple для распрацоўшчыкаў у ЕС
Кампанія выказала асцярогі, што прапанаваныя Apple змены ў App Store могуць негатыўна адбіцца на распрацоўшчыках і карыстальніках. Раней новыя правілы раскрытыкавалі кіраўнік Epic Games Цім Суіні і Spotify.
«Новая палітыка Apple — крок у няправільным кірунку. Спадзяемся, яны прыслухаюцца да водгукаў на прапанаваны імі план і будуць працаваць над больш інклюзіўнай будучыняй для ўсіх», — заявіла прэзідэнтка Xbox Сара Бонд.
Microsoft плануе запусціць уласную краму мабільных гульняў пад маркай Xbox. У каталогу будуць прадстаўленыя гульні Activision Blizzard, у тым ліку такія хіты як Call of Duty: Mobile і Candy Crush Saga. Раней Apple дазволіла размяшчаць у App Store кліенты воблачных гульнявых службаў.
Apple абвясціла аб увядзенні «асноўнага тэхналагічнага збору» (Core Technology Fee — CTF) для праграм у ЕС, якія будуць распаўсюджвацца праз іншыя пляцоўкі. За кожную ўсталёўку праграмы пасля 1 мільёна загрузак на год распрацоўшчык мае заплаціць 50 еўрацэнтаў.
Для праграм з App Store камісія праз чужыя сістэмы плацяжоў складзе 17%. Еўракамісар у пытаннях унутранага рынку Цьеры Брэтон заявіў, што рэгулятар прыменіць «рашучыя дзеянні», калі план Apple выявіцца «недастаткова добрым» для распрацоўшчыкаў.
Читать на dev.by