EPAM абышоў Google і Apple у рэйтынгу найлепшых месцаў для працы паводле версіі Glassdoor

У рэйтынгу Glassdoor EPAM апынуўся на 25 месцы. Кампанія абышла такіх тэхналагічных гігантаў як Google (28 месца), Meta (52 месца), Apple (56 месца).

Успомнілі, што пісалі летась супрацоўнікі EPAM аб працы ў кампаніі на Glassdoor. Водгукі суб’ектыўныя, часам супярэчлівыя і ўяўляюць сабой асабістыя думкі каментатараў Glassdoor. 

Сярод плюсоў:

• добрае месца для спецыялістаў junior-ўзроўню, «тут можна атрымаць воспыт працы»;
• магчымасці для прафесійнага росту;
• адладжаныя працэсы;
• шмат ільгот і бенефітаў;
• медстрахоўка;
• шмат праектаў, што дазваляе змяняць ролі, каманды і тэхналагічныя стэкі; 
• аптымальны баланс паміж працай і асабістым жыццём;
• карпаратыўная культура;
• «ашаламляльныя людзі і атмасфера», «працуе шмат моцных тэхнічных спецыялістаў»;
• бясплатная вучэбная платформа з вялікай колькасцю курсаў;
• добрыя курсы англійскай мовы;
• аддаленая праца;
• падтрымка пры пераездзе;
• «стабільнасьць»;
• добрыя праекты;
• «кампанія клапоціцца пра супрацоўнікаў, імкнучыся звесці да мінімуму звальненні ў складаны перыяд для галіны».

Сярод мінусаў:

• заробак «ніжэйшы за рынак», «нізкі», «але для Беларусі нармальна»;
• «магчымасцяў для прасоўвання мала»;
• складана змяніць праект;
• «рэдка ацэньваюць прадукцыйнасць»;
• бюракратыя;
• «даводзіцца авертайміць»;
• «вельмі лёгка засесці ва ўласнай „бурбалцы“, у сваёй зоне камфорту, у састарэлым стэку тэхналогій, што тыпова для любой буйной кампаніі»;
• «неактуальны тэхналагічны стэк»;
• «немагчыма прыняць аніякія тэхнічныя або архітэктурныя рашэнні, паколькі іх заўсёды прымаюць кліенты»;
• «вам можа не пашанцаваць з кіраўніком — і гэта адаб’ецца на вашай зарплаце (хоць гэта не мой вопыт)»;
• «гэта карпарацыя з іерархіяй — незразумела, як расці. Як супрацоўнік, вы цалкам залежыце ад свайго рэсурснага менеджара і не можаце зрабіць амаль нічога, каб змяніць штосьці. Палітыка кампаніі палягае ў тым, каб плаціць як мага менш і не прасоўваць па службе — такое ў мяне склалася ўражанне».