Кіраўнік OpenAI Codex распавёў, у якіх рэзюмэ больш шанцаў атрымаць офер

Ён адзначыў, што індустрыя перажывае ўнікальны момант: «У цэлым зараз найлепшы час, каб быць інжынерам — у вас ёсць неверагодныя інструменты, з якімі можна зрабіць вельмі шмат». Па яго словах, гэта нагода глядзець у будучыню «з вялікім аптымізмам».

Але разам з гэтым змяняюцца і патрабаванні. Калі стварыць прадукт стала прасцей, вырашальным стаў не сам факт, што ты нешта зрабіў, а што менавіта і як. Эмбірыкас раіць факусавацца на праектах, якія дэманструюць самастойнасць і густ, і не трымаць іх у стале: «Рабіце якасныя рэчы і дзяліцеся імі».

Ён кажа, што атрымлівае вялізную колькасць паведамленняў ад кандыдатаў праз кар’ерную старонку кампаніі і ў сацсетках. Але вылучаюцца не стандартныя рэзюмэ, а зусім іншы фармат: «Калі чалавек піша мне з цікавымі думкамі і спасылкай на цікавы праект, гэта прыцягвае маю ўвагу значна больш, чым звычайнае рэзюмэ».

Пры гэтым рынак застаецца надзвычай канкурэнтным. Эмбірыкас прызнае, што барацьба за таленты ў сферы ШІ зараз «неверагодна жорсткая», і нават кампанія з моцным брэндам, як OpenAI, траціць «велізарныя намаганні, каб закрываць кандыдатаў, якія ёй сапраўды цікавыя». «Нават мы гэта адчуваем. Вы не можаце вось так проста атрымаць любога, каго захочаце», — дадае ён.

Распрацоўка — адна з першых прафесій, якую пачаў актыўна змяняць ШІ, асабліва на ўзроўні джуноў. На фоне росту папулярнасці вайб-кодынгу гучаць прагнозы пра новыя буйныя скарачэнні ў бігтэху, але самі ШІ-кампаніі працягваюць актыўна наймаць. Попыт на моцных інжынераў нікуды не падзеўся, проста патрабаванні да іх становяцца іншымі, адзначае Business Insider.

Топы Microsoft заклікалі не ставіць крыж на джунах, а то будзе дрэнна ўсёй індустрыі

Па тэме

Топы Microsoft заклікалі не ставіць крыж на джунах, а то будзе дрэнна ўсёй індустрыі

Адзінарог за тыдзень: сярод ШІ-стартапаў з’явілася цікавая схема раздзімання ацэнкі

Па тэме

Адзінарог за тыдзень: сярод ШІ-стартапаў з’явілася цікавая схема раздзімання ацэнкі