Кіраўнік OpenAI прапанаваў стварыць агенцтва кантролю АІ і выдаваць ліцэнзіі

Сенатары выказалі асцярогі з нагоды энтузіязму, які праяўляюць прадстаўнікі галіны да АІ-тэхналогій, што можа прывесці да непрадказальных наступстваў. Альтман прапанаваў стварыць агенцтва, якое будзе выдаваць ліцэнзіі на перадавыя распрацоўкі ў галіне штучнага інтэлекту і адклікаць іх, калі кампанія парушыць правілы.

«Я думаю, што калі з гэтай тэхналогіяй штосьці пойдзе не так, яно можа пайсці зусім не так. Мы хочам гучна заявіць пра гэта і працаваць з урадам, каб гэтага не адбылося», — растлумачыў бізнэсовец. Альтман пацвердзіў, што тэхналогія сапраўды можа выйсці з-пад кантролю. Раней тысячы прадстаўнікоў галіны і навукоўцаў падпісалі адкрыты ліст пра часовае абмежаванне распрацоўкі АІ да стварэння правілаў ягонай працы.