Кампанія атрымала частковую перамогу ў антыманапольным працэсе ў ЗША: яна захавае браўзэр Chrome і аперацыйную сістэму Android, а таксама працягне плаціць Apple за статус пошукавай сістэмы па змаўчанні. Аднак суд абавязаў Google дзяліцца дадзенымі з канкурэнтамі.
Кампанія атрымала частковую перамогу ў антыманапольным працэсе ў ЗША: яна захавае браўзэр Chrome і аперацыйную сістэму Android, а таксама працягне плаціць Apple за статус пошукавай сістэмы па змаўчанні. Аднак суд абавязаў Google дзяліцца дадзенымі з канкурэнтамі.
Федэральны суддзя Аміт Мехта пастанавіў, што Google не трэба прадаваць Chrome ці Android — крок, якога баяліся інвестары. Замест гэтага кампанія павінна будзе прадастаўляць частку пошукавых дадзеных і інфармацыі аб узаемадзеянні карыстальнікаў канкурэнтам. Гэта адкрывае магчымасці для ШІ-кампаній, якія ствараюць чат-боты і альтэрнатыўныя пошукавыя сістэмы.
Пасля абвяшчэння рашэння акцыі Alphabet падскочылі на 7–8%, а Apple выраслі на 3–4%. Для інвестараў гэта стала сігналам, што пагрозы прымусовага продажу ключавых актываў удалося пазбегнуць. Google штогод плаціць Apple каля $20 мільярдаў за выкарыстанне свайго пошуку на iPhone. Суд дазволіў захоўваць такія выплаты, але забараніў эксклюзіўныя пагадненні, якія абмяжоўвалі магчымасць загрузкі праграм канкурэнтаў.
Google заявіла, што занепакоена ўплывам рашэння на прыватнасць карыстальнікаў і рыхтуе апеляцыю. Справа, верагодна, дойдзе да Вярхоўнага суда. Мінюст ЗША адзначыў, што рашэнне «прыадчыняе рынак для пошукавых сэрвісаў» і павінна не дапусціць паўтарэння манапалістычных практык Google у сферы генератыўнага ШІ.
Рэлацыраваліся? Цяпер вы можаце каментаваць без верыфікацыі акаўнта.