Аддзел навін ИТ-хандра 24 лютага 2023, 11:23

Google папрасіла супрацоўнікаў шэрыць сталы — і чаргаваць дні ў офісе, каб усім хапіла

Тысячы супрацоўнікаў Google папрасілі ад наступнага квартала выкарыстоўваць офісныя сталы сумесна з калегамі. Так кампанія імкнецца рацыяналізаваць выкарыстанне памяшканняў і зэканоміць, перадае CNBC са спасылкай на ўнутраныя дакументы кампаніі.

2 каментарыя

Google папрасіла супрацоўнікаў шэрыць сталы — і чаргаваць дні ў офісе, каб усім хапіла

Тысячы супрацоўнікаў Google папрасілі ад наступнага квартала выкарыстоўваць офісныя сталы сумесна з калегамі. Так кампанія імкнецца рацыяналізаваць выкарыстанне памяшканняў і зэканоміць, перадае CNBC са спасылкай на ўнутраныя дакументы кампаніі.

Рашэнне закране працаўнікоў Google Cloud у пяці найбуйнейшых лакацыях воблачнага падраздзялення ў ЗША, уключна з Сан-Францыска, Сіэтлам і Нью-Ёркам. Некаторыя ягоныя будынкі ў выніку вызваляцца.

Акрамя таго, супрацоўнікаў просяць чаргаваць дні працы ў офісе і дома — напрыклад, панядзелак і серада або аўторак і чацвер — і дамаўляцца з калегамі, каб усім было камфортна. Можна прыходзіць і ў іншыя дні, але працаваць прыйдзецца на іншым месцы.

Супрацоўнікі будуць падзяляцца на групы па 200-300 чалавек, у кожнай такой групы будзе кіраўнік, адказны за размеркаванне прасторы. Ім трэба будзе вызначыць правілы сумеснага выкарыстання сталоў на адведзенай тэрыторыі і дапамагчы гуглерам дамовіцца наконт упрыгажэнстваў, захоўвання асабістых рэчаў і падтрымання чысціні.

Супрацоўнікаў Google папрасілі па некалькі гадзін трэніраваць Bard і не казаць яму што ён чалавек

А каб супрацоўнікі не тоўпіліся ў канферэнц-залах і сядзелі за сталамі, кампанія абмяжуе колькасць даступных для рэзервавання залаў для мітынгаў.

Навіну кіраўніцтва абазначыла як «эвалюцыю воблачнага офіса» і назвала яго «камбінацыяй пераваг дапандэмійнага супрацоўніцтва і гнуткасці» аддаленай працы. Гуглеры сталі жартаваць наконт падачы навіны на ўнутраным форуме Memegen. Хтосьці з іх адзначыў, што неабавязкова маскіраваць спробы скараціць выдаткі пад клопат пра супрацоўнікаў: сумленнае прызнанне заслужыла б больш даверу.

Воблачны бізнэс умяшчае больш за чвэрць штатных супрацоўнікаў Google. Гэта адзін з найпапулярнейшых кірункаў кампаніі, хоць пакуль і не прыносіць прыбытку.