Кампанія святкуе частковую перамогу ў адным з найбуйнейшых антыманапольных працэсаў апошніх гадоў. Федэральны суд ЗША вынес рашэнне на карысць Google па пазове Міністэрства юстыцыі, пададзеным яшчэ ў 2020 годзе.
Кампанія святкуе частковую перамогу ў адным з найбуйнейшых антыманапольных працэсаў апошніх гадоў. Федэральны суд ЗША вынес рашэнне на карысць Google па пазове Міністэрства юстыцыі, пададзеным яшчэ ў 2020 годзе.
Міністэрства юстыцыі абвінавачвала кампанію ў злоўжыванні манапольным становішчам на рынку анлайн-пошуку і патрабавала радыкальных мер, уключаючы продаж браўзера Chrome ці аперацыйнай сістэмы Android. Аднак суд адхіліў гэтую прапанову, што стала сур’ёзнай палёгкай для Google.
Супрацоўнікі Google з гумарам адрэагавалі на навіну: унутраныя чаты кампаніі запоўнілі мемы і жарты пра тое, што Chrome «застаецца дома». Адзін з работнікаў адрэдагаваў кадр з «Уладара пярсцёнкаў», дадаўшы подпіс «Падобна, Chrome зноў у меню, хлопцы!». Іншы выкарыстаў вядомую сцэну з «Ваўка з Уол-стрыт», дзе герой Леанарда Ды Капрыа крычыць: «Я нікуды не сыходжу!» — замяніўшы яго на браўзер Chrome.
Некаторыя супрацоўнікі пажартавалі і на тэму рэзкага скачка акцый Alphabet — яны падраслі на 6–8% у вячэрнія гадзіны пасля публікацыі рашэння. Адзін з папулярных мемаў суправаджаўся надпісам: «Падтрымка тым, хто нядаўна прадаў $GOOG» з выявай запаленай свечкі. Паводле слоў работнікаў кампаніі, большасць людзей у офісах успрынялі навіну спакойна: «Для нас мала што зменіцца. Усе працягваюць працаваць як звычайна. Людзі, хутчэй, радуюцца росту акцый».
Нягледзячы на тое, што Google захавала свае ключавыя прадукты, цалкам без наступстваў кампанія не засталася. Суд абавязаў яе спыніць практыку эксклюзіўных пагадненняў аб замацаванні Google Search у якасці пошукавіка па змаўчанні (у тым ліку з Apple). Таксама Google павінна прадаставіць канкурэнтам доступ да часткі пошукавага індэкса і карыстальніцкіх дадзеных для развіцця іх сэрвісаў. Акрамя таго, неабходна адкрыць магчымасць выкарыстання сваіх рэкламных і сіндыкацыйных інструментаў канкурэнтамі.
Канкурэнты Google таксама выйгралі ад рашэння суда. Цяпер кампаніі кшталту OpenAI, Perplexity і Microsoft атрымаюць доступ да часткі пошукавага індэкса і карыстальніцкіх дадзеных Google, што дазволіць ім удасканальваць уласныя сэрвісы і навучаць ШІ-мадэлі на больш маштабных масівах інфармацыі. Адмена эксклюзіўных дагавораў адкрывае дарогу новым партнёрствам: Apple зможа ўключаць альтэрнатыўныя пошукавікі на iPhone, а стартапы атрымаюць шанс выйсці на масавую аўдыторыю. Гэта ўзмацняе канкурэнцыю і зніжае залежнасць карыстальнікаў ад адзінай экасістэмы Google.
Таксама ў выйгрышы апынулася Apple: дзякуючы рашэнню суда кампанія зможа і далей атрымліваць мільярды даляраў ад Google за права быць пашукавіком па змаўчанні ў Safari, толькі цяпер гэтыя пагадненні не павінны быць эксклюзіўнымі. Канкурэнты браўзера Chrome, такія як Microsoft Edge, Apple Safari ці новыя праекты кшталту Comet ад Perplexity, апынуліся ў ліку прайграўшых. Суд не стаў вымушаць Google прадаваць Chrome, і гэта значыць, што барацьба з браўзерам, у якога больш за 3 мільярды карыстальнікаў па ўсім свеце, застанецца надзвычай складанай.
Релоцировались? Теперь вы можете комментировать без верификации аккаунта.