Google звольніла яшчэ больш за 20 чалавек праз антыізраільскія пратэсты

Паводле даных The Verge, у выніку гэтых дадатковых звальненняў агульная колькасць звольненых супрацоўнікаў перавысіла 50 чалавек. Раней кампанія звольніла 28 супрацоўнікаў, якія зладзілі 8-гадзінную сядзячую забастоўку. Яны пратэставалі супраць супрацоўніцтва кампаніі з ізраільскімі ўладамі.

Пратэстоўцы былі незадаволеныя Project Nimbus — кантрактам з Ізраілем у памеры $1,2 мільярда. У рамках дамовы Google дае воблачныя паслугі і дата-цэнтры ізраільскаму ўраду. Таксама ў праекце ўдзельнічае Amazon. У часе пратэстаў былі арыштаваныя 9 работнікаў у офісах кампаніі ў Нью-Ёрку і каліфарнійскім Санівэйле.