Грузія зрабіла больш жорсткай міграцыйную палітыку

• Папраўкі прадугледжваюць спрошчаную працэдуру дэпартацыі нелегальных мігрантаў, павелічэнне штрафаў за парушэнне правілаў знаходжання ў краіне і паскарэнне разгляду заяў на наданне прытулку.
• У крымінальны і адміністрацыйны кодэксы ўводзіцца новы від пакарання — выдварэнне замежнага грамадзяніна з забаронай на ўезд у краіну на пэўны тэрмін.
• Судовы разбор па пытаннях ВНЖ або падаўжэння візы больш не будзе прыпыняць працэс дэпартацыі.
• Укараняецца паскораная працэдура разгляду заяў на прытулак для тых, хто не падаў такі запыт на працягу першага месяца пасля прыбыцця. Разгляд заяў таксама будзе магчымы проста на мяжы — без допуску заяўніка ў краіну, калі яго ўезд стварае пагрозу нацбяспецы.

У грузінскім МУС заявілі, што рэформы прыводзяць заканадаўства краіны ў адпаведнасць з дырэктывамі Еўрапарламента і Савета Еўропы. Яны накіраваны на барацьбу з нелегальнай міграцыяй і прадухіленне злоўжыванняў у сферы прадастаўлення міжнароднай абароны (якую Грузія пакуль не прадаставіла ніводнаму беларусу).