IBM цішком скарачае тысячы супрацоўнікаў

Адзін з супрацоўнікаў кампаніі расказаў выданню, што ў падраздзяленні IBM Cloud за апошнія некалькі дзён прайшло «масавае звальненне», якое закранула тысячы людзей. «У адрозненне ад звыклых звальненняў, гэтае было праведзенае ў таямніцы. Мой менеджар сказаў мне, што іх прымусілі падпісаць NDA і не распаўсюджваць падрабязнасцяў», — сказаў суразмоўца The Register.

Мноства паведамленняў пра звальненні ў IBM таксама з’явілася на форумах у сеціве.

Прадстаўнік IBM у каментары парталу падкрэсліў, што на пачатку года кампанія абвясціла пра запланаваныя звальненні, якія будуць вымярацца вельмі малымі адзінкавымі значэннямі ў працэнтах ад яе глабальнага штату, і што ў цэлым яго колькасць пры канцы 2024 года будзе прыкладна такой жа, як і на пачатку. Паводле справаздач IBM, гэта прыкладна 288 тысяч чалавек. То бок калі пад скарачэння трапіў хоць бы 1%, то без працы засталося каля 3000 супрацоўнікаў. Ніякіх дэталяў па колькасці звольненых і таму, якія пазіцыі яны займалі, прадстаўнік тэхнагіганта не падаў.

Летась гендырэктар IBM Арвінд Крышна казаў, што кампанія заменіць блізу 7800 чалавек штучным інтэлектам, але часавых рамак ён не пазначыў.