Кансалтынгавая фірма Teneo спытала CEO і інвестараў з розных краін пра планы па найме персаналу на наступны год. Насуперак распаўсюджанаму меркаванню, ШІ можа павялічыць запатрабаванасць некаторых пачатковых пазіцый, піша Business Insider.
Кансалтынгавая фірма Teneo спытала CEO і інвестараў з розных краін пра планы па найме персаналу на наступны год. Насуперак распаўсюджанаму меркаванню, ШІ можа павялічыць запатрабаванасць некаторых пачатковых пазіцый, піша Business Insider.
Апытанне праводзілася ў кастрычніку-лістападзе сярод 350+ генеральных дырэктараў публічных кампаній з гадавым даходам ад $1 млрд і прыкладна 400 буйных інстытуцыйных інвестараў. На думку 67% з іх, у наступным годзе ШІ прывядзе да росту найму на пачатковыя пазіцыі. А 58% збіраюцца наймаць на сеньёрскія і менеджарскія пазіцыі.
У дакладзе адзначаецца, што кампаніі павялічваюць найм інжынераў і спецыялістаў, звязаных з ШІ. Тым часам па меры аўтаматызацыі трансфармуюцца або пераразмяркоўваюцца многія існуючыя пазіцыі. Гэта разыходзіцца з папулярным меркаваннем пра тое, што ШІ замяняе сабой цэлыя прафесіі. «ШІ не знішчае працоўныя месцы — хутчэй, змяняе іх», — адзначаюць у Teneo.
Паралельна прагназаванаму ўсплёску найму кампаніі ўліваюць усё больш грошай у ШІ. 68% удзельнікаў апытання генеральных дырэктараў плануюць павялічыць выдаткі на ШІ ў 2026 годзе, што крыху больш, чым годам раней. Прыкладна 9 з 10 генеральных дырэктараў кажуць, што тэхналогія ўжо прыносіць карысць іх кампаніям.
Чаканні таксама вялікія. Больш за палову апытаных інвестараў разлічваюць пабачыць плён ШІ-ініцыятыў на працягу 6 месяцаў. CEO настроены скептычна: толькі 16% кіраўнікоў кампаній з даходам ад $10 млрд лічаць такія запыты рэалістычнымі.
Рэлацыраваліся? Цяпер вы можаце каментаваць без верыфікацыі акаўнта.