З’яўленне ChatGPT спарадзіла новыя асцярогі, што штучны інтэлект заменіць людзей і справакуе масавыя звальненні. Але апытанні паказваюць, што цяпер працаўнікі выйграюць ад выкарыстання АІ-інструментаў, хоць і баяцца будучыні.
З’яўленне ChatGPT спарадзіла новыя асцярогі, што штучны інтэлект заменіць людзей і справакуе масавыя звальненні. Але апытанні паказваюць, што цяпер працаўнікі выйграюць ад выкарыстання АІ-інструментаў, хоць і баяцца будучыні.
Кампанія SurveyMonkey правяла даследаванне, як часта выкарыстоўваюць штучны інтэлект у працы, і апублікавала цікавыя вынікі. Выявілася, што супрацоўнікі, якія ўжо выкарыстоўваюць АІ, пачуваюцца вельмі нават нядрэнна. У сярэднім ім добра плацяць, у іх ёсць магчымасці для кар’ернага росту. Таксама яны задаволеныя атмасферай у кампаніі. Паводле апытання, «Індэкс шчасця глабальнай працоўнай сілы» (Workforce happiness Index) склаў 78 балаў са 100, што на сем пунктаў вышэй, ніж сярод працаўнікоў, якія не выкарыстоўваюць АІ (71).
Разлічваецца ад 0 да 100 балаў. У індэкс уваходзяць такія паказчыкі, як велічыня заробку, магчымасць кар’ернага росту, прызнанне працы і яе значнасць. У ходзе 10 серый апытанняў, якія правялі ад красавіка 2019 года да мая 2023 года, агульны паказчык індэкса практычна не мяняўся: ад 71 да 73 балаў у кожнай серыі. У апошнім апытанні ўдзельнічалі амаль 9 тысяч працаўнікоў з ЗША.
Розніца ў індэксе выявілася нават большай за ступень задавальнення працай у залежнасці ад расы (розніца ў адзін бал), адукацыі (тры балы) або магчымасці працаваць аддалена (два балы). Сама група карыстальнікаў АІ выглядае вельмі разнастайна. Як правіла, у сярэднім яна маладзейшая (42% з іх маладзейшыя за 35 гадоў у параўнанні з 34% агульнай выбаркі). Аднак яны з меншай верагоднасцю будуць белымі (39% у параўнанні з 63% у цэлым).
Добры заробак. 38% працаўнікоў, якія выкарыстоўваюць АІ, заяўляюць, што ім вельмі добра плацяць, у параўнанні з 24% тых, хто наогул не прымяняе АІ.
Кар’ерны рост. Таксама 44% першай групы рэспандэнтаў кажуць, што ў іх добрыя магчымасці для кар’ернага росту ў сваёй кампаніі, у параўнанні з 24% рэспандэнтаў з другой групы.
Можна не думаць пра інфляцыю. Працаўнікі, якія прымяняюць АІ, часцей кажуць, што іх заробак вырас з апярэджаннем інфляцыі (33% супраць 10%), і ацэньваюць маральных дух кампаніі як цудоўны (50% супраць 27%).
У апошнім апытанні 65% працаўнікаў прызналіся, што інфляцыя вырасла больш за іх заробак за апошнія 12 месяцаў. 21% рэспандэнтаў лічыць, што іх заробак зраўняўся з інфляцыяй. Толькі 12% апытаных заявілі, што рост заробку апярэдзіў інфляцыю. Такім чынам, працаўнікі, якія давяраюцца АІ у працы, у тры разы часцей трапляюць у апошнюю катэгорыю шчасліўчыкаў.
Большасць працаўнікоў (56%) кажа, што ім не падабаецца выкарыстанне АІ у HR пры найманні і ацэнцы прадукцыйнасці, хаця маладзейшыя працаўнікі талерантна ставяцца да гэтага. Калі ж HR будуць больш выкарыстоўваць АІ ў сваёй працы, то 42% рэспандэнтаў будуць менш ім давяраць.
Больш за адную пятую (21%) працаўнікоў рэкламнай і маркетынгавай сфер лічаць, што выкарыстанне АІ неабходна ім для выканання працы, — паказчык робіць гэтую сферу самай прасунутай з астатніх. Следам за ёй ідзе сфера падтрымкі бізнэсу і лагістыкі (18%), сельская гаспадарка (15%), гасцінічны бізнэс і турызм (14%), аўтамабільная прамысловасць (12%) і IT-галіна (12%).
Нават калі працаўнікі задаволеныя раннім укараненнем АІ, гэта не ратуе іх ад вышэйшага страху перад будучыняй. Каля паловы працаўнікоў сферы рэкламы і маркетынгу, а таксама падтрымкі бізнэсу і лагістыкі (46%) занепакоеныя тым, што штучны інтэлект неўзабаве заменіць іх, што ў два разы перавышае агульны ўзровень неспакою ўсіх апытаных. 30% працаўнікаў, якія зарабляюць менш за $50 тысяч на год, занепакоеныя выкарыстаннем АІ больш у параўнанні з 16% тых, хто зарабляе больш за $150 тысяч штогод.
Характэрна, што менш за ўсё працаўнікоў, якія не выкарыстоўваюць АІ, у сферах рэкламы і маркетынгу, а таксама IT (33% і 42% адпаведна). Гэта паказвае, што большасць з іх выкарыстоўваюць АІ па выбары, а не на патрабаванне. Магчыма, у гэтым палягае прычына поспеху першых паслядоўнікаў АІ: яны ўжываюць новыя інструменты як па ўласным выбары, так і праз неабходнасць. Выкарыстанне АІ паказвае, што можна стаць больш прадукцыйным і паспяховым, нават калі трывога застаецца — у працаўнікоў складваецца ўражанне, што ў іх проста няма іншага выбару.
Рэлацыраваліся? Цяпер вы можаце каментаваць без верыфікацыі акаўнта.