Даследаванне: ШІ не моцна скарачае занятасць, але запавольвае наём
Шырокае ўкараненне штучнага інтэлекту кампаніямі пакуль не стала «забойцам працоўных месцаў». Пра гэта гаворыцца ў даследаванні эканамістаў Федэральнага рэзервовага банка Нью-Ёрка.
Шырокае ўкараненне штучнага інтэлекту кампаніямі пакуль не стала «забойцам працоўных месцаў». Пра гэта гаворыцца ў даследаванні эканамістаў Федэральнага рэзервовага банка Нью-Ёрка.
Аўтары даследавання адзначаюць, што за апошні год прыкметна вырасла выкарыстанне ШІ, але толькі нешматлікія фірмы паведамілі пра скарачэнні персаналу з-за тэхналогій. Толькі 1% сэрвісных кампаній у ЗША паведамілі пра скарачэнні за апошнія паўгода, тады як у мінулым годзе такіх выпадкаў было 10%.
Паводле даследавання, 40% кампаній паведамілі пра выкарыстанне ШІ ў 2024–2025 гадах (годам раней — 25%). Амаль палова плануе ўкараніць тэхналогіі ў бліжэйшыя паўгода. Выкарыстанне ШІ ў прамысловасці вырасла з 16% да 26%, траціна вытворцаў мае намер укараніць ШІ на працягу шасці месяцаў.
Пры гэтым 12% сэрвісных кампаній прызналі, што наймаюць менш людзей дзякуючы ШІ, і амаль чвэрць тых, хто плануе ўкараняць тэхналогіі, чакаюць скарачэння набору персаналу ў будучыні. Сярод вытворцаў гэты трэнд пакуль выяўлены слабей.
ШІ найчасцей выкарыстоўваецца для маркетынгу і рэкламы, бізнес-аналітыкі, пошуку інфармацыі, а таксама для кіравання дадзенымі і абслугоўвання кліентаў. Пры гэтым усё больш кампаній пераходзяць на платныя ШІ-сэрвісы: іх доля сярод вытворцаў вырасла з 7% да 46%, сярод сэрвісных кампаній — да 50%.
На фоне скарачэння найму некаторыя фірмы, наадварот, пашыраюць штат. 11% сэрвісных кампаній і 7% вытворцаў паведамілі, што павялічылі колькасць супрацоўнікаў за кошт спецыялістаў па ШІ. У бліжэйшыя месяцы 10-15% працадаўцаў таксама плануюць наймаць новых работнікаў з такімі навыкамі.
«Нашы вынікі паказваюць, што для ўжо працуючых супрацоўнікаў ШІ часцей азначае перанавучанне, а не звальненне», — пішуць аўтары. На бягучым этапе ўкараненне тэхналогій не вядзе да «значных скарачэнняў занятасці».
Аўтары даследавання падкрэсліваюць, што эфект ШІ для эканомікі ў цэлым пакуль застаецца «адносна сціплым». Аднак кампаніі прагназуюць рост звальненняў і зніжэнне найму па меры паглыблення інтэграцыі тэхналогій.
Асабліва ўразлівымі могуць аказацца спецыялісты з вышэйшай адукацыяй, паколькі менавіта іх прафесіі часцей паддаюцца аўтаматызацыі.
У топ-10 прафесій, якімі найбольш цікавяцца амерыканцы ў век ШІ, няма ніводнай айцішнай
У топ-10 прафесій, якімі найбольш цікавяцца амерыканцы ў век ШІ, няма ніводнай айцішнай
У Расіі падае попыт на айцішнікаў, на праграмістаў — хутчэй сярэдняга
У Расіі падае попыт на айцішнікаў, на праграмістаў — хутчэй сярэдняга
Каго наймаюць, а каго скарачаюць у ІТ са з’яўленнем ШІ
Каго наймаюць, а каго скарачаюць у ІТ са з’яўленнем ШІ
Рэлацыраваліся? Цяпер вы можаце каментаваць без верыфікацыі акаўнта.